Ashyq aspan astyndaǵy murajaı taǵy 14 jádigermen tolyqqan. Olardyń qatarynda Ábilqaıyr men Qarabýra keseneleriniń, Qaraǵandy sport saraıynyń, Qazaq myrysh zaýytynyń, «Kosmonavt» monýmentiniń, 4 oblystyń tarıhı ólketaný mýzeıiniń maketteri bar. Týrısterge keń-baıtaq jerimizdi barynsha kórsetý úshin keshen aýmaǵyna qosymsha 5 LED ekran ornatylǵan. Murajaı gıdteri jyl saıyn mektep oqýshylary arasynan arnaıy synaq arqyly iriktelip alynady eken. Jazǵy demalystarynda qonaqtarǵa ekskýrsııa júrgizetin olar keminde úsh tildi meńgergen. Aǵylshyn tilinen bólek, fransýz, nemis, qytaı, túrik, ıspan jáne koreı tilderin biletin jetkinshek-gıdter de bar. «Atameken» Qazaqstan kartasy» etnomemorıaldyq kesheninde sheteldik meımandardy qazaqtyń qonaqjaılylyǵymen jaqynyraq tanystyrý úshin úsh kıiz úı tigilipti. «Etnoaýyl qurýdyń maqsaty tereń. Sebebi, qazirgi ýaqyt pen bizdiń ótken tarıhymyz ushtasqan dep te aıta alamyn. Osyndaı keremet saqtalǵan qazaqy úıge kelgen adam tańǵalatynyna kúmánim joq. Ásirese, ózge ulttarǵa bizdiń keshegimiz ben ata-babalarymyzdyń turmys-tirshiligi qyzyqty dep oılaımyn», deıdi Astana qalasy ákimdiginiń mádenıet, muraǵat jáne qujattamalar basqarmasy basshysynyń orynbasary Narıma Muhambetalına.
Ashat RAIQUL, «Egemen Qazaqstan»