Ońtústik týrısterdi kútip alýǵa daıyn

Bul oraıda, oblys ákimdigi óńirlik tý­rıstik uıymdarmen birlesip, kórme qonaqtaryna arnalǵan 3 jáne 5 kúndik týrıstik baǵyttar ázirlepti. Naqtyraq aıtsaq, Ońtústikke kelgen qonaqtar Túrkistan qalasynda «Áziret Sultan» qoryq-murajaıyn, Saýran qalashyǵyn aralap, Otyrar aýdanyndaǵy Arystan bab kesenesinde jáne Otyrar qala­shy­ǵynda bolyp el tarıhyna qanyǵa alady. Sondaı-aq, Báıdibek aýdanyndaǵy Aqmeshit úńgiri, Domalaq ana kesenesiniń, Qazyǵurt aýdanyndaǵy «Ke­me qalǵan» memorıaldy ke­sheni men «Adam ata-Jer Ana» tabıǵı eskertkishi shetel­dik­­terdi qyzyqtyrary anyq. Al Tó­lebı aýdany aýmaǵyndaǵy «Saı­ram-О́gem» memlekettik ult­tyq tabıǵı par­ki men Túl­kibas aýdanyndaǵy «Aq­sý-Jabaǵyly» memlekettik tabı­ǵı qo­ryqtyń ekologııalyq baǵyt­taǵy tý­rızmdi unatatyn­dar úshin bereri mol. Árıne, oblys ortalyǵy Shymkenttiń ózin­de tanymdyq ekskýrsııa ja­saıtyn oryn kóp. Saıaly aǵash­tarymen tanymal Den­drosaıabaqta, avtorlary Mem­le­kettik syılyq ıegeri atan­ǵan erekshe joba – Táýel­sizdik saıabaǵy, Báıdibek bı es­kertkishi, Naýryz alańy, jaz aılary jaǵasy bosamaıtyn «Jaılaýkól»... tize bersek oblys ortalyǵynda qonaqtarǵa maqtan ete kórsetetin oryn kóp. EKSPO-2017 halyqaralyq kór­mesi qonaqtaryna usyny­latyn týrıstik mar­shrýttardyń boıyndaǵy qonaq úılerdiń barlyǵy qyzmet kórsetýge daıyn. Sondaı-aq, qonaqtar na­za­ryna Túrkistan jáne Oty­rarda ornalasqan 2 etnoaýyl usynylady.  Sondaı-aq, kórme sheń­ber­inde tamyzdyń 29-y men qyr­kúıektiń 3-i ara­lyǵynda Ońtústik Qazaqstan oblysynyń mádenı kúnderi ótedi. Oǵan 610 adamnan quralǵan 17 shyǵarmashyl  ujym qatysyp, ónerlerin kópshilikke usynady. Onyń ishinde jergilikti 22 qolóner sheberleri de bar.  Ońtústikke kelýge nıet bildirgen týrısterge barlyq jaǵdaı jasap otyrǵan oblys ákimdigi halyqaralyq kórmege baratyn jergilikti turǵyndarǵa da qoldaý kórsetpek. Bul oraıda, Astana qalasynda oblystan kórmege qatysýshylardy or­nalastyrý úshin eki ýnıversıtettiń ja­taq­hanalarynan kúnine 600 oryn aldyn ala alynyp qoıylǵan. Kórmeniń ótý ke­zeńine kólik qatynasy ulǵaıtylyp, qosymsha oryndar qarastyrylǵan. Mysaly, temir jol quramdary 86 vagonmen tolyqtyrylsa, áýe qatynasy boıyn­sha qosymsha 16 755 oryn berilipti. Son­daı-aq, 450 oryndyq 10 avtobýs qosy­latyn bolady. Oblystan 3 750 mek­tep oqýshysyn, 179 ardager, zeınetker jáne múmkindigi shekteýli azamattardy kórmege alyp barý josparlanǵan.  Halyqaralyq kórmeniń taqyrybyna saı qýat kózin jańǵyrtý boıynsha ońtústikten 4 joba ınteraktıvti kartada tanystyrylatyn bolady. Atap aıtqanda, oblysta elektr energııasyn óndirýdiń tap­shylyǵyn tómendetý jáne jańǵyrmaly energııa kóz­derin qoldaný maqsatynda jú­ze­ge asyrylǵan Saıram aýda­nyn­daǵy kún elektr stansasy, Saryaǵash aýdany Keles ózenindegi shaǵyn GES. Sondaı-aq, elimizdegi jáne syrtqy naryqtaǵy tutynýshylar men iri kompanııalardy joǵary sapaly maılaý materıaldarymen qamtamasyz etý maqsatynda jumys isteıtin, óndiristik qýaty jylyna 70 myń tonna bolatyn «Hill Corporation» JShS-niń jobasy usynylmaq. Bıogaz óndiretin jáne ári qaraı elektr energııasyn alýǵa múmkindik beretin shógindilerdi óńdeý baǵytyndaǵy joba da kórme qatysýshylaryna tanys­tyrylady. Budan bólek 35 kásiporyn elorda turǵyndary men qonaqtaryna aýylsharýashylyq ónimderin usynbaq.

Ǵalymjan ELShIBAI, «Egemen Qazaqstan»