«Nurly jer» baǵdarlamasy aıasynda ıpotekalyq qaryz boıynsha bastapqy jarna 30 paıyzdy quraıdy, bul jaǵdaıda nesıe ulttyq valıýtamen beriledi jáne tek jańa baspana alýǵa beriledi.
– Endi klıentterimiz baspana satyp alýǵa qaryzdy óte paıdaly talaptarmen resimdeı alady. Qaryz alýshylar úshin ıpoteka boıynsha aqyrǵy syıaqy mólsherlemesi 10% bolady ári bank komıssııasynan tolyq bosatylady. Almaty men Astana qalalarynyń turǵyndary úshin maksımaldy qaryz somasy – 20 mln teńge, al Qazaqstannyń basqa aımaqtarynyń turǵyndary úshin – 15 mln teńge, merzimi 15 jylǵa deıin, – deıdi Bank VTB basqarma tóraǵasynyń orynbasary Nıkolaı Sýganıaka.
О́z kezeginde, «Qazaqstan Ipotekalyq Kompanııasy» IU» AQ basqarma tóraǵasy Ádil Muhamedjanov baǵdarlamaǵa qatysýǵa Qazaqstannyń kez kelgen azamaty ótinish bere alatynyn atap ótti.
– Operatory QIK bolyp tabylatyn «Nurly jer» Memlekettik baǵdarlamasy – bul Qazaqstan azamattary úshin, tıimdi talaptarmen jańa baspana alýdyń múmkindigi. Baǵdarlama aıasynda qaryz alýshy úshin aı saıynǵy tólemi naryqtaǵy usynystarǵa qaraǵanda 30-40 paıyzǵa arzan: Jáne menshiginde burynnan bar baspanalarynyń sany eskerilmeıdi. Qaryz alǵanda qaryz alýshy tólem kestesin alady, onda bankige tóleıtin syıaqy sýbsıdııalanatyn jáne sýbsııadııalanbaıtyn bólikterge bólinedi. Sýbsıdııalanatyn bólik pen negizgi qaryzdy qaryz alýshy ózi tóleıdi, al sýbsııadııalanytyn bólikti QIK bankke tikeleı óteıdi, – dedi ol.
Aınash ESALI, «Egemen Qazaqstan» ALMATY