Jańǵyrý jazýdan bastalady

Tildiń dybystalýy, oqylýy, tańbalanýy degen sekildi qaǵıdattaryn eskeretin bolsaq, dál qazir tarıh tarazysynda turǵan másele – tilimizdiń tańbalanýy. Áleýmettik jelilerde «ábigerge» túsip jatqan qandastarymyzdyń keıbir teris pikirlerine jyǵyla bergende, biz zamanaýı múmkindikten bas tartqan bolar edik.

Nege deısiz ǵoı? Jaýabyn berýge tyrysyp kóreıik. Latyn gra­fıkasy – HHI ǵasyrdaǵy ǵylym men tehnıkanyń tili. Eko­no­mıkalyq únqatysýlar tili. Inno­va­sııalyq jańalyqtar tasqy­ny latyn tilinde túıindelip jat­qanyn baǵamdaǵan ult uly múm­kindikten bas tartpaýy kerek dep oılaımyn.  Elbasy Nursultan Ábishuly Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynyń túpki maqsatyn túsingen árbir otandasymyz jańǵyrýdyń jazýdan bastalatynyn túısinýi kerek. О́ıtkeni, biz órkenıet kóshindegi ozyq otyzdyqtyń ortasynan oıyp oryn alýymyz úshin ǵalam tutynǵan grafıkanyń tańbalanýyn tańdap otyrmyz.

Kez kelgen jańa jobany qabyldaý barysynda ómiri asy­ǵys sheshim qabyldap kórmegen Mem­leket basshysy Nursultan Ábish­uly Nazarbaev osy joly da tarıhı tańdaýdyń sonshalyqty mańyzdy ekenin túısinip, elge túsindirip, memleketimizdiń bola­shaǵyna beıjaı qaramaıtyn Kósh­basshy ekendigin dáleldedi. Tutas qoǵam ishten tynyp, alýan pikir týyndap turǵan tusta eldiń erteńi úshin eń mańyzdy sheshim qabyldap, Jarlyqqa qol qoıdy. 

Jalpy, latyn grafıkasyn qoǵamdyq júıe jappaı qabyldaýy kerek. Orys tildi aýdıtorııaǵa (bilim berý mekemeleri, oqý oryn­dary, memlekettik organdar t.b) da latyn álipbıiniń tarı­hı qajettiligin týdyrmaıyn­sha, memlekettik tildiń kóse­ge­si kógermeıdi. Qazaqstan Respýb­lıkasynyń azamaty retindegi meniń usynysym – osy.

Iá, Elbasy Jarlyǵy tarı­hı qadam bolǵanyn, rýhanı keńistigimizdiń uly sheksizdik ekenin dáleldegenin eskere otyryp, qabyldanǵan sheshimge qoldaý kórsetýge tıispiz. «Kósh júre túzeledi» demekshi, latyn grafıkasyna bizden buryn kóshken elderdiń tájirıbesin zerdelep, qateligin qaıtalamaýymyz kerek. Álgindeı kemshin tustar ortaq múddege oı qosyp, yntymaq tanytqan jaǵdaıda ǵana ońalatyn dúnıe ekenin eskerýimiz shart. 

Qalaı bolǵan kúnde de, qa­byl­danǵan bul nusqa lıngvıst ǵa­lymdar men sarapshylardyń tal­qysynan ótti ǵoı. Qolaılylyq pen múmkindiktiń barlyǵy es­kerildi degen oıdamyz.       Bekzat ALTYNBEKOV, Qaraǵandy oblystyq máslıhatynyń depýtaty, Qazaqstan halqy Assambleıasynyń múshesi