Eı, jolaýshy, sál aıaldap toqtashy,
Jer – dóńgelek,
joldarynyń joq basy,
Eltańbanyń eń negizi – shańyraq,
Memlekettiń túp negizi – otbasy!
Táýelsiz bop atty tańym, Kún búgin,
Arqalamas azamattyq kim júgin?!
Kún sheńberi qozǵalysta máńgilik,
Tulpar dala – sáıgúligim, dúldúlim!
Biz kelemiz babam salǵan otty izben,
Sóılesedi, Táńir qoldap, Kók bizben,
Tulpar júırik qanatynda – armanym,
Asyl murat –
bostandyqqa jetkizgen!
El-jurtymmen alǵa men de umtyldym,
Bul keýdeme talaı bult bop
muń tundyń.
Ýaqyt penen keńistigim tutasyp,
Uıalady júregine ultymnyń!
Keler kúnge amanat qyp ketelik,
Bir aýyz bop birge bizder jetelik.
Juldyz bolyp táji qondy halqyma,
Bostandyqty Alataýdaı kóterip!
Týar áli kúnderim bar aldymda,
Juldyzdy aspan,
Aımen jaryq jandyń da.
Qasterleıtin bir paryzym – Eltańbam,
Qasıetti Qazaq Eli bar munda!
Kele jatqan babam kórgen sol tańnan,
Týdy birge qara shańyraq ortamnan.
Perzentiń bop men aldyńda bas ıem,
Kıeli Elim, Qasıetti Eltańbam!
Shómishbaı SARIEV, Qazaqstannyń eńbek sińirgen qaıratkeri.