Qazaqstandyq úles arta túspek

Almatyda «Memlekettik tapsyrys-2012» aksııasy aıasynda keńes bolyp ótti. Bul basqosýǵa Almaty qalasynyń ákimi Ahmetjan Esimov jáne «Samuryq-Qazyna» UÁQ AQ basqarmasy tóraǵasynyń orynba­sa­ry Qýandyq Bıshimbaev qatysty. Aksııa aıasyn­daǵy keńeste «Samuryq-Qazyna» ult­tyq ál-aýqat qory men qalalyq ákimdik ara­synda 2012 jylǵa yntymaqtastyq memo­ran­dýmyna qol qoıyldy.

Almaty qalasynyń ákimi Ahmetjan Esi­mov­tiń aıtýynsha, «Samuryq-Qazyna» kom­pa­nııasy men qalalyq ákimdik arasyndaǵy «Memlekettik tapsyrys» aksııasynyń ótki­zi­le bastaǵanyna bıyl eki jyl tolǵan. Kóp­shilikke belgili, Memleket basshysy Nur­sul­tan Nazarbaevtyń memlekettik satyp alý salasynda qazaqstandyq úlesti odan ári ulǵaıtý jónindegi tapsyrmasy óz nátıjesin berip, joǵary kórsetkishterge qol jetkizýde.

– Shyn mánisinde, bul baǵytta birqatar tabystarǵa qol jetti. Máselen, bıylǵy 2011 jyl­dyń ótken toǵyz aıynda Almaty qalasy ká­sip­kerleri men ulttyq kompanııalar qory ara­syn­da jalpy somasy 566 mıllıard teńgeni qu­raı­tyn on jeti myńnan astam kelisimshart ja­sal­dy. Sondaı-aq, 118 mıllıard teńgeniń qyz­me­ti kórsetilip, 141 mıllıard teńgeniń jumysy oryndaldy.

Al, endi aldyńǵy jyly, bizder bul ak­sııa­ny alǵash ret ótkizgende 118 mıllıard teń­geniń ǵana kelisimsharty jasalǵan bola­tyn. Qazir onyń kólemi tórt esege deıin ul­ǵaıyp otyr. Sonymen birge, «Samuryq-Qa­zy­na» kompanııasynyń memlekettik tapsy­rys­tarynyń kólemi 3,2 trıllıon teńgeni quraýy da kóp nárseden habar berse kerek, – deıdi qala ákimi óz oıyn ortaǵa salyp.

Sóz reti kelgende atap aıtarlyǵy, ulttyq kompanııalardyń satyp alýdaǵy qa­zaq­­standyq úlestiń ulǵaıýy, tutastaı al­ǵan­da ońtústik astananyń áleýmettik-ekonomı­ka­lyq kórsetkishterine aıtarlyqtaı yqpal etti. Bıylǵy jyldyń ótken on aıynda óner­kásiptik ónim óndirý on bes paıyzǵa ulǵaıyp, 352 mıllıard teńgeden astam ónim shyǵaryldy.

«Samuryq-Qazyna» ulttyq qory bas­qar­masy tóraǵasynyń orynbasary Qýandyq Bıshimbaevtyń esepteýinshe, «qazaqstandyq úlestiń ýaqyt ótken saıyn arta túsýi – bul strategııalyq mańyzdy mindet». «Samuryq-Qazyna» kompanııasy keler jyly da bul ba­ǵyttaǵy is-sharalardy odan ári jalǵas­tyr­maq. Bul oraıda uzaq merzimdi kelisimshart­tarǵa, otandyq óndirýshilerdi nesıelendirýge qatysý jáne ózge de jobalar qolǵa alynbaq.