Kásiporyn porollon shyǵarady

Táýelsizdiktiń 20 jyldyǵy qarsańynda kóptegen jańa kásiporyndar men áleýmet­tik-mádenı nysandar paıdalanýǵa berilip, óńirdiń ekonomıkalyq áleýetin arttyra túsýde. Jaqynda Aqtóbe qalasynda taǵy bir tyń joba júzege asyrylyp, porollon jáne qaıtalama porollon buıymdaryn shyǵara­tyn zaýyt iske qosyldy. Bul kásip­oryn el Táýelsizdiginiń 20 jyl­dyǵyna oraı oblys­tyń údemeli ın­dýstrııalyq-ınnovasııalyq damý baǵdar­lamasy aıasynda paıdalanýǵa berildi. Jobany «Iýjpromsnab» JShS júzege asyrdy. Seriktestik dırektory Svetlana Zotkınanyń málimdeýinshe,  bul zaýyt Batys Qazaqstan­daǵy teńdesi joq biregeı kásip­oryn. Jobany júzege asyrýǵa seriktestik óziniń 82,4 mln. teńge qarjysyn salypty. Jobalyq qýaty jylyna 10 myń tonna ónim óndirýge múmkindik beretin zaýytta jańadan 10 jumys orny ashyldy. Zaýyttyń qon­dyrǵylary da, shıkizaty da Reseıdiki. Munda jumys isteıtin maman jumysshylar Reseıdiń Ijevsk qalasynda tájirıbeden ótken. Kásiporyn ózin úsh jylda aqtaıdy dep kútilýde. Zaýyt­ta shy­ǵarylatyn jum­­saq penopolıýretan  jı­haz, avtomobıl  já­ne áýe kólikteri­niń oryn­dyqtary ón­di­risine taptyr­maı­tyn materıal, son­daı-aq, ony jumsaq oıyn­shyqtar men sport­tyq tósenish­ter ja­saýǵa paıdala­nýǵa da bolady.  Zaýyt­tyń tusaýkese­rinde sóz alǵan Aq­tóbe qala­synyń áki­mi Nur­muhambet Áb­dibekov bul jo­bany shaǵyn jáne orta kásip­ker­likti damy­týdyń tamasha úlgisi retinde baǵalady. Shahar basshysy jyl aıaǵy­na deıin osyndaı 20 nysan paıdalanýǵa beriletinin, 800-den astam jumys oryn­dary ashylatynyn jetkizdi. Zaýyttyń bas tehnology Aleksandr Býdanov óndiris úderisimen tanystyryp, alǵashqy ónimdi shyǵaryp, usyndy. Buǵan deıin porollondy Reseıden alyp kelgen aqtóbelik jıhaz qurastyrýshylar endi bul ónimdi alystan arbalamaı, ózimizden ala alatyn boldy. Shaǵyn bolsa da ónimderine suranys joǵary kásiporynnyń tolyq qýatynda jumys istep ketetinine senim mol.

Satybaldy SÁÝIRBAI.

Aqtóbe oblysy.