Syrtqy ister mınıstri Qaırat Ábdirahmanov Brıýsselde «Eýropalyq Odaq - Ortalyq Azııa» syrtqy ister mınıstrleriniń konferensııasy aıasynda Eýropalyq Odaqtyń (EO) Syrtqy ister jáne qaýipsizdik saıasaty jónindegi Joǵarǵy ókili Federıka Mogerınımen kezdesti, dep habarlaıdy Syrtqy ister mınıstrliginiń baspasóz qyzmeti.
Kezdesý barysynda Qazaqstan Respýblıkasy men EO arasyndaǵy Keńeıtilgen áriptestik jáne yntymaqtastyq týraly kelisimdi (Kelisim) ratıfıkasııalaý jáne júzege asyrý barysy, 12-shi ASEM sammıti otyrysynyń qorytyndylary jáne halyqaralyq jáne aımaqtyq yntymaqtastyqtyń ózekti máseleleri talqylandy.
Q. Ábdirahmanov óz sózinde Eýroodaq Qazaqstannyń eń iri saýda-ekonomıkalyq jáne ınvestısııalyq seriktesi bolyp qala beretinin jáne basym syrtqy saıası baǵyttarynyń biri bolyp tabylatynyn atap ótti. Elimizdiń syrtqy saýda jáne sheteldik ınvestısııalarynyń jartysyna jýyǵy EO elderiniń úlesinde. О́z kezeginde Qazaqstan EO saýda seriktesteriniń arasynda 32-shi orynǵa ıe, Eýropalyq Odaqtyń Ortalyq Azııa memleketterimen taýar aınalymynyń 80 paıyzy Qazaqstanǵa tıesili. Sońǵy eki jylda Qazaqstan men EO arasyndaǵy taýar aınalymynyń turaqty ósimi orta eseppen 20 paıyz kórsetýde, bul rette aldaǵy jyldarǵa qoıylǵan basty mindet – osy saýda-ekonomıkalyq yntymaqtastyqty ártaraptandyrý bolyp tabylady.
Osy turǵyda taraptar Kelisimge úlken úmit artyp, jańa qujattyń tolyq áleýetin paıdalanýǵa nıetti.
Aldaǵy yntymaqtastyqtyń negizgi basymdyqtaryn aıqyndaıtyn strategııalyq qujatty ratıfıkasııalaý 2019 jyldyń birinshi jartysynda aıaqtalady dep kútilýde. Qazirgi tańda Kelisim EO-nyń 24 elinde ratıfıkasııalanǵan, qalǵan tórteýinde qujat qaralýda.
Kelisim aıasynda Astana Qazaqstan men Eýroodaq arasyndaǵy qarym-qatynasty odan ári jaqyndastyrýdy kózdeıdi. Bul máselede Eýroodaqqa baratyn Qazaqstan azamattaryna vızalyq tártipti jeńildetý negizgi basymdyq bolyp tabylady, - dedi Q. Ábdirahmanov. Tıisti kelissózderdi Odaq EO-nyń jańa vızalyq kodeksin (Union Code on Visas) qabyldaǵannan keıin bastaý josparlanýda.
F. Mogerınıdiń aıtýynsha, Qazaqstanda júrgizilip jatqan saıası jáne ákimshilik reformalar Qazaqstan - Eýroodaq formatyndaǵy ózara is-qımyldy odan ári tereńdetý úshin berik negiz qalaıdy. Sonymen qatar, ol aımaqtyq prosesterdegi Qazaqstannyń mańyzdy rólin jáne óńirlik dıalogty tereńdetýge yqpal etetin bastamalarynyń mańyzdylyǵyn atap ótti.
Kezdesýde osy jyldyń qyrkúıek aıynda ótken 12-shi Eýropa - Azııa (ASEM) forýmynyń qorytyndylary talqylandy. Atalǵan forýmda Qazaqstan Prezıdenti Nursultan Nazarbaev álemdegi asa ózekti máselelerdi sheshý úshin birqatar bastamalar jarııalap, Astanada BUU-nyń arnaıy sessııasyn nemese halyqaralyq qaýipsizdik máselelerin talqylaý úshin AQSh, Reseı, Qytaı jáne Eýropalyq Odaq basshylarynyń qatysýymen kezdesý ótkizýdi usyndy.
Eýropalyq dıplomat N. Nazarbaevtyń usynystary halyqaralyq qaýymdastyq úshin asa ózekti ekenin jáne olardy ýaqytyly júzege asyrýdyń mańyzdylyǵyna nazar aýdarý qajettigin atap, kezdesý tujyrymdamasymen bólisýdi curady.
Sondaı-aq, taraptar Eýropalyq Odaqtyń ASEM sammıtinde usynǵan Azııa elderimen yntymaqtastyq týraly strategııasyna toqtaldy. Qazaqstan bul qujattyń erejelerin asa ózekti dep paıymdaıtyny jáne onyń naqty iske asyrylýyna atsalysýǵa daıyn ekendigi atap ótildi.
Dıplomattar Qazaqstan men EO arasynda qalyptasqan ózara senimniń joǵary deńgeıin atap ótti jáne Eýroodaqtyń Ortalyq Azııaǵa arnalǵan strategııasyn qaıta qaraý boıynsha, Aýǵanstannyń damýyna járdemdesý bastamalary jáne BUU Qaýipsizdik Keńesiniń turaqty emes múshesi retinde Qazaqstannyń osy uıymdaǵy Ortalyq Azııanyń múddelerin alǵa jyljytý bastamalary sheńberindegi áriptestikti jalǵastyrýǵa kelisti.