«Nur Otan» partııasy Aqmola oblystyq fılıaly qaladaǵy qoǵamdyq kólikterdiń kórý, estý qabileti nashar, tirek-qımyl apparaty buzylǵan jandar men psıhıkalyq aýytqýy bar adamdar úshin qoljetimdiligin tekserdi.
«Nur Otan» partııasy «Kedergisiz keleshek» jobasy aıasynda jarymjan jandarǵa kedergisiz orta qalyptastyrý maqsatynda birqatar is-sharany iske asyrýda Tekseris barysynda qaladaǵy avtobýstardyń 50 paıyzy tekserildi. Monıtorıng barysynda avtobýstardyń deninde múgedekterge arnalǵan arnaıy bekitpe, qosymsha tutqalar, júrgizýshimen baılanystyratyn arnaıy tetikterdiń bar ekendigi anyqtaldy.
Al avtobýstardyń kópshiliginde mehanıkalyq pandýs, kózi nashar kóretinder úshin túrli tústi jaryq sıgnalynyń bolmaýy sııaqty kemshilikter anyqtaldy. Aqmola oblysynda búgingi tańda adamdardy tasymaldaýmen aınalysatyn 212 marshrýt bar.
Sonymen qatar múmkindigi shekteýli adamdardyń júrip turýyna qolaıly bolýy úshin oblystaǵy avtovokzal, avtostansııalar tekseristen ótip, múgedekterge arnalǵan oryndardy jasaqtaý jospary tur. Bıylǵy jyly Kókshetaý qalasyndaǵy jeke tasymaldaýshylardyń bastamasymen memlekettik-jeke menshik kásipkerlik aıasynda qosymsha 36 avtobýs satyp alý josparlanyp otyr. - Bul biraz máseleniń sheshimin tabady dep oılaımyn. Sebebi bul kólikter jańa standarttarǵa saı avtobýstar. Olarda múmkindigi shekteýli jandardyń júrip turýyna qolaıly jaǵdaı jasalatyndyǵyna senimdimin,- deıdi monıtorıngtik toptyń múshesi, «Qazaq sańyraýlar qoǵamy» qoǵamdyq birlestigi Aqmola fılıalynyń jetekshisi Lıýbov Senchenko. Partııalyqtar búgingi kúni qaladaǵy avtobýstardyń basym bóligi eskirip turǵandyǵyn aıtýda. Jańa standarttarǵa saı keletin avtobýstardyń joqtyǵy da baıqalýdy deıdi olar.
«Nur Otan» partııasynyń Aqmola oblystyq fılıaly janyna qurylǵan kólikterdegi múmkindigi shekteýli jandardyń júrip turýyna sáıkestigin baqylaıtyn arnaıy monıtorıngtik top jumysyn odan ári jalǵasatyn bolady.