Esil aýdany ákimdiginde elorda ákimi kópbalaly analarmen kezdesti. Kezdesýge QR Eńbek jáne halyqty áleýmettik qorǵaý mınıstri Berdibek Saparbaev, QR Bilim jáne ǵylym vıse-mınıstri Elmıra Sýhanberdıeva, Qazaqstan Respýblıkasy Densaýlyq saqtaý vıse-mınıstri Lázzat Aqtaeva qatysty.
Kezdesý barysynda kópbalaly analardyń kóbi turǵyn úı alý úshin turǵyn úı qurylysyna úlesker bolyp kirgeni belgili boldy. Alaıda, qazirgi kúni ol nysandardyń keıbirinde qurylys jumystary júrip jatqan joq. Mysaly, «Shyǵys» jáne «Jaǵalaý» TK.
«Bul nysandar boıynsha másele sheshilýde. Biz QIK, TQJB, Problemalyq kredıtter qory jáne «Samuryq-Qazyna» UÁQ kredıtorlarmen kelissózder júrgizdik. Kelisimderge qol qoıyldy. Olardyń keıbireýleri qazirdiń ózinde máselelerdi sheshe bastady. «Shyǵys» pen «Jaǵalaý» TK boıynsha jumys bastalady», dedi ákim.
Jalpy alǵanda, qala basshylyǵynyń aıtýynsha, bıylǵy jyly birqatar turǵyn úı keshenderiniń qurylysyn jalǵastyrý bastalǵanyń aıtty. Olardyń ishinde - «Azbýka jılıa» qurylys kompanııasynyń alty nysany bar.
B. Sultanov sonymen qatar, búgingi kúni úı kezeginde 20 myń adam turǵynyń eske salyp ótti. Oǵan halyqtyń áleýmettik qorǵalmaǵan tobyna jatatyndar, kópbalaly analar jáne múgedekter jatady.
«О́tken jyly bıýdjet esebinen atalǵan sanattaǵy azamattarǵa 188 páter bólindi. Bıylǵy jyly qosymsha bólingen qarajat esebinen 1800 - 1900 páter berý josparlanyp otyr. Keıingi jyldary osy kólemdi eki esege arttyrýǵa tyrysamyz. Sondyqtan kezekte 5 nemese 7 myńynshy bolyp turǵan adam eki, eń kóp degende úsh jylda baspanaǵa ıe bolady dep úmittenemin», dedi Baqyt Sultanov. Eske salaıyq, osyndaı formattaǵy kezdesý keshe Saryarqa aýdanynyń ákimdiginde ótken bolatyn.