«Din - turaqtylyq kepili» taqyrybyndaǵy basqosýǵa QMDB tóraǵasynyń orynbasary, naıb múftı Alaý Ádilbaev qatysty. Din ókilderimen kezdesý barysynda ımamadardyń dinı saýattylyq, tájirıbe arttyrý, máseleleri men óńirdegi dinı turaqtylyq jaıy talqylandy.
«О́ńirdegi dinı turaqtylyqty qamtamasyz etýde QMDB-sy qyzmetkerleriniń atqaryp otyrǵan róli zor, oblystaǵy 67 meshitte 109 dinı qyzmetker jumys jasaýda. Olardyń jalaqy máselesi qoǵamdyq qorlar men jergilikti atqarýshy organdardyń qoldaýymen sheshilip otyr. Qazirgi tańda, din salasy mamandarynyń sapalyq kórsetkishi de artqan. Aldyńǵy jyldary joǵary bilimdi qyzmetkerler 43%-dy kórsetse, búginde bul kórsetkish 67%-ǵa artty. Bul jergilikti atqarýshy organdar men QMDB ókildiginiń birlese atqarǵan jumystarynyń nátıjesi»,-dedi oblys ákimi.
QMDB-nyń Aqtóbe oblysy boıynsha ókili, oblystyq ortalyq «Nur Ǵasyr» meshitiniń bas ımamy Ospan Tólebı Dádiluly óńirdegi dinı ahýaldyń turaqty ekenin, óńir meshitteri dinı qyzmetkerlermen, ımamdarmen tolyq qamtylǵanyn atap ótti.
QMDB ókildigi 2018 jyldy «Islam jáne Otbasy» jyly dep jarııalap, joba aıasynda 624 otbasyǵa ártúrli qaıyrymdylyq kómek kórsetilgen. 2018 jyldyń 24 qyrkúıeginde QMDB Tóraǵasy, Bas múftı Serikbaı qajy Orazdyń óńirge jasaǵan sapary barysynda «Ýaqyp» qory, Aqtóbe oblysynyń ákimdigi jáne QMDB arasyndaǵy úshjaqty memorandýmǵa qol qoıdy. Sonyń aıasynda, qyzmetkerlerdi turǵyn úımen qamtý, áleýmettik qoldaý máseleleri oń sheshimin tabýda. Al, bıylǵy jyly óńirde bastaý alǵan «El úlesi páterge» jobasynyń aıasynda jergilikti QMDB ókildiginiń qoldaýymen 2 otbasyna páter berilgen. 2018-2019 jyldary ákimdik tarapynan oblys kóleminde 5 meshittiń qurylysy júretin bolady. Sońǵy jartyjyldyqta 2 meshit ashylǵan.
QMDB tóraǵasynyń orynbasary, naıb múftı Alaý Ádilbaev atqarylǵan jumystar men aqtóbelik ımamdardyń biliktilik deńgeıine joǵary baǵasyn berdi.
Atap óteıik, 23-sáýir kúni jergilikti ımamdar attestasııa tapsyrǵan bolatyn.
«О́tkizilgen attestasııa ımamdardyń biliktiligin arttyrýǵa, óńirdegi bilikti mamandar sanynyń artýyna septigin tıgizedi degen oıdamyn. Sizderge synaqtan sátti ótip, dinı turaqtylyqty qamtamasyz etýdegi qyzmetterińizdi jańa qarqynmen jalǵastyryńyzdar degen tilegimdi bildiremin»-dedi aımaq basshysy.