Qazaq kúresiniń damý tarıhy tereńde jatyr. Toı-domalaq, jıyn-merke, túrli basqosýlar palýandardyń beldesýinsiz ótken emes. Qazirgi tańda elimizde jekpe-jek ónerin álemdik básekege laıyqty sport deńgeıine shyǵarý mańyzdy mindetterdiń birine aınalyp otyr.
Osyǵan oraı, 2017 jyly Astana ótken jalpy quryltaıdyń kezekti otyrysynda Halyqaralyq Qazaq kuresi federasııasyn qurý týraly sheshim qabyldanǵan bolatyn.
Búginde federasııany memleket qaıratkeri, Qazaqstan Respýblıkasynyń Energetıka mınıstri Qanat Bozymbaev basqarady. Qazaq sportynyń ańyzy, olıpıada chempıony Jaqsylyq Úshkempirov, olımpıada oıyndarynyń qola jáne kúmis júldegeri, tanymal palýan Dáýlet Turlyhanov syndy azamattar federasııanyń vıse-prezıdentteri retinde taǵaıyndyldy.
Halyqaralyq qazaq kúresi federasııasy – tek «halyqaralyq» mártebesimen shektelmeıdi. Álemdik deńgeıdegi qazaq kúresi týrnırleriniń belsendi uıymdastyrýshysy retindegi elimizdegi biregeı qoǵamdyq uıym.
Sonymen qatar, Halyqaralyq qazaq kúresi federasııasy – ulttyq sport túrin álemdik deńgeıde damytyp, halyqaralyq seriktester men sportshylardyń basyn biriktirip júrgen birlestik.
Halyqaralyq Federasııanyń qurylǵanyna az bolsa da, osy ýaqyt aralyǵynda aýqymdy sharalar men nátıjeli jumystar atqaryldy. Federasııa quramyna Eýropa men Azııa elderiniń 28 ulttyq federasııasy kiredi. Esesine álemde ulttyq sportymyzǵa qyzyǵýshylyq tanytqandar sany kún sanap artýda.
Federasııa jyl saıyn halyqaralyq týrnırler men is-sharalar ótkizýdi dástúrge aınaldyrǵan. Federasııa qurylǵan 2 jyl ishinde: qazaq kúresinen álem chempıonaty-2017 (Astana, Qazaqstan), 2018 jyly jattyqtyrýshylar men tóreshilerge arnalǵan halyqaralyq semınar (Tbılısı, Grýzııa), 2018 jyly Qazaq kúresinen I Eýropa chempıonaty (Batýmı, Grýzııa), 2018 jyly oqý-jattyǵý jıyny (Almaty, Qazaqstan), 2018 jyly I Azııa chempıonaty (Astana, Qazaqstan), Federasııa qoldaýymen «Álem barysy» týrnıri ótkizildi. Sondaı-aq, 2018 jyly - 3 ulttyq chempıonat ótkizilse, bıyl ulttyq chempıonattar sany 10-ǵa jetti.
2019 jyldyń maýsym aıynda Federasııa Polshadaǵy Vroslav qalasynda II Eýropa chempıonatyn ótkizedi. Bul chempıonatqa Eýropanyń 23 elinen 100 palýan jınalady dep kútilýde. Halyqaralyq Qazaq kuresi federasııasy sheteldik bapkerlerge arnalǵan oqý-jattyǵý semınarlary men palýandardyń shyǵyndaryn óz moınyna alady.
Álbette, qarqyndy qoldaýdyń arqasynda ulttyq sportymyz búginde álemge keń nasıhattalyp, úlken tanymaldylyqqa ıe. Qazaq kúresimen Grýzııa, Qytaı, Eýroodaq elderi, Iran jáne t.b. elderi aınalysa bastady.
Halyqaralyq qazaq kúresi federasııasy jyl sońyna deıin Eýropa chempıonatyn, Álem chempıonatyn, Álem kýbogyn jáne t.b. kóptegen sharalar ótkizýdi josparlap otyr.