Jaqynda gazetimizde О́skemendegi oblystyq sáýlet-etnografııalyq jáne tabıǵı-landshaft mýzeı-qoryǵynyń qyzmetkerleri eki birqazandy Ertis ózenine erkindikke jibergenin jazǵan edik.
Jýyqta atalǵan mýzeı-qoryq ishindegi haıýanattar baǵynan taǵy da tórt maral men úsh teńbil buǵy Ulan aýdany aýmaǵyndaǵy Sibe kóliniń mańyna jiberildi degen jaǵymdy jańalyq estidik. Oblystyq Tabıǵı resýrstar jáne tabıǵatty paıdalanýdy retteý basqarmasyna qarasty Orman jáne ańshylyq sharýashylyqty basqarýdyń jedel toby basshysynyń orynbasary Vasılıı Tkachenko Sibe kóliniń aýmaǵy bekerge tańdalmaǵanyn aıtady.
«О́ıtkeni, bul aımaqta ań aýlaýǵa ruqsat etilmegen. Sondyqtan alańdaýǵa esh negiz joq. Ekinshiden, bul jerde jetkilikti jem-shóp bazasy bar. Biz sol mańdaǵy sharýa qojalyqtary basshylarymen kelistik. Olar qajet bolǵan jaǵdaıda maraldar men buǵylardy azyqtandyrýǵa daıyn», - deıdi ol.
Mýzeı-qoryqtyń baspasóz qyzmetiniń habarlaýynsha, qaladaǵy haıýanattar baǵynda 9 buǵy men 7 maral qalypty.
О́SKEMEN
Sýretterdi túsirgen Alekseı MAZNISIN