Almatyda «Rýhanı jańǵyrý» baǵdarlamasyn júzege asyrýǵa baılanysty «2019- JASTAR JYLY» qaladaǵy orta bilim berý uıymdarynyń 15-16 jastaǵy oqýshylary arasynda qalalyq «Jas ulan» áskerı-sporttyq oıyny ótýde.
Almaty qalasyndaǵy №1 Oqýshylar úıiniń uıymdastyrýymen bastalǵan sharanyń maqsaty jas urpaqtyń boıynda qazaqstandyq patrıotızmdi tárbıeleý, jastardy áskerı-patrıottyq tárbıege baýlý, salaýatty ómir saltyn qalyptastyrý jáne qoldanbaly sport túrlerin nasıhattaý, yntymaqtastyq pen dostyqty nyǵaıtý bolyp tabylady.
«Jas ulan» áskerı-sporttyq oıyny barysynda jetkinshekter áskerı qyzmetke daıyndyǵyn qórsetedi. Uıymdastyrýshylar mundaı jarystardyń mamandyq tańdaýǵa yqpaly zor ekendigin aıtady.