Oblystyq tótenshe jaǵdaılar qyzmeti men orman sharýashylyǵy aýmaqtyq ınspeksııasynyń bergen derekterine kóz salsańyz, órttiń aldyn alýǵa, qorǵaýǵa degen daıyndyq muzdaı qatyp tur. 10 balldyq kórsetkishtiń 7,9 prosentin qamtıdy. Biraq, soǵan qaramastan, qyzyl jalynnyń óńeshine ilikken jasyl orman kúıik shalyp, baýdaı buratylyp túsip jatyr. Ol azdaı zańsyz aǵash kesýshiler de tyıylar emes. О́tken jyly zańsyz aǵash kesý boıynsha 22 oqıǵa oryn alsa, bıyl osyndaı keleńsiz jaǵdaı eki ret qaıtalanǵan. Munyń bir sebebi, qala turǵyndary satyp alatyn otynnyń qymbattaýynda. Iаǵnı, orman qaraqshylary suranys bolǵannan keıin aǵash urlap satýdy kádimgideı kásipke aınaldyryp otyrǵandyǵyn nesin jasyramyz. Qalaǵa keletin santaraý dala joly bar. Onyń bárinde qapysyz kúzet uıymdastyrýǵa ormanshylardyń qaýqary jete bermeıdi. Kóligi tapshy, kisisi kem.
Qala irgesindegi «Buqpa» orman sharýashylyǵy aýmaǵynda ótken jyly bes márte orman órtense, bıylǵy jyly qyzyl jalynnyń alapat tili sýmańdap, eki márte qoldyń salasyndaı aq qaıyńdar men máńgi jasyl qaraǵaılardy, áli búrshigin jara qoımaǵan tal-terekti jaıpap ketti. Tabıǵaty tamyljyǵan Sandyqtaý ólkesinde de órt pen urydan kelgen zalal kóp. Qazir bul óńirde osyndaı oqıǵalarǵa baılanysty tergeý jumystary júrgizilýde. Qalaı bolǵan kúnde de Otanymyzdyń bir baılyǵy – ormanymyzǵa abaı bolaıyqshy!
Aqmola oblysy