Konferensııa bastalǵanǵa deıin qonaqtar «A.Baıtursynov atyndaǵy Qostanaı memlekettik ýnıversıteti: dástúrden jańashyldyqqa deıin» atty bilim ordasynyń ǵylymı jetistikterin kórsetetin kórmeni aralady. Alys-jaqyn elderden kelgen ǵalymdarǵa ýnıversıtettegi Ahmet Baıtursynov, arheologııa, entomologııa mýzeıleri de qyzyqty boldy.
Konferensııada shet el ǵalymdary sóz aldy. Doktor PhD, Dýbrovnık ýnıversıtetindegi Ekonomıka jáne bıznes kafedrasynyń dosenti Marııa Benıch Penava Horvatııadaǵy mádenı murany sıfrlandyrý týraly áńgimeledi. Konferensııadaǵy pikir almasýda A.Baıtursynov atyndaǵy ýnıversıtet pen horvatııalyq Dýbrovnık ýnıversıteti arasynda qosdıplomdyq bilim berý, bolashaqta stýdentter men oqytýshylar almasý, eýropalyq joǵary oqý ornynda tájirıbeden ótý sekildi yntymaqtasý týraly usynys boldy.
Kásibı jáne áleýmettik bilim mekemeleriniń eýropalyq qaýymdastyǵynyń ýákiletti ókili Gaýks Valter «Shaǵyn jáne orta kásipkerlik kásiporyndaryn keshendi jańǵyrtý salasynda halyqaralyq yntymaqtastyqty damytý» atty baıandamasynda A.Baıtursynov atyndaǵy Qostanaı ýnıversıtetiniń bazasynda «Qazaqstan-german agrokásipkerlikti damytý salalyq ortalyǵyn» ashý bastamasyn kóterdi.
«Ortalyq qyzmetiniń strategııasyn jasaý men júzege asyrý oǵan qyzyǵýshylyq bildirgen eki jaqtaǵy áriptesterdiń ortaq jumysy bolyp sanalady. Uıymdastyrý satysynda jobaný damytý jónindegi eki jaqty jumys tobyn qurý qajet» dedi Gaýks Valter.
Konferensııada germanııalyq «LE» e. V. О́ńirlerdi damytýdy qoldaý halyqaralyq qaýymdastyǵy men A.Baıtursynov atyndaǵy Qostanaı memlekettik ýnıversıteti arasyndaǵy yntymaqtastyq Memorandýmyna nemis jaǵynyń ókili Genrıh Sertıh myrza men qostanaılyq ýnıversıtet rektory Alma Dosjanova qol qoıdy.
Konferensııaǵa jınalǵandar 5 seksııa boıynsha jumys istedi.