Tehnıkalyq jáne kásiptik bilim júıesin damytý perspektıvalary týraly baıandaı otyryp, bilim jáne ǵylym mınıstri K. Shámshıdınova «Barshaǵa arnalǵan tegin TjKB» jobasy sheńberinde 199 myń adam oqıtynyn jetkizdi. Sońǵy 3 jylda 3,7 mlrd teńgege qural-jabdyqtar satyp alyndy. Memlekettik kolledjderdiń 71%-y tehnıkalyq beıindegi mamandardy daıarlaýdy júzege asyrady. Qazaqstanda 821 kolledj jumys isteıdi. Memlekettik kolledjderdiń 71% tehnıkalyq beıindegi mamandardy, al jeke kolledjderdiń 67%-y gýmanıtarlyq-ekonomıkalyq beıindegi mamandardy daıarlaıdy.
Sonymen qatar, eńbek naryǵyn biliktiligi joǵary kadrlarmen qamtamasyz etý boıynsha tıimdi nátıjelerge qol jetkizý úshin kolledjderdi senimdi basqarýǵa berýdi júzege asyrý kózdelgen. Qazirdiń ózinde ekonomıkanyń túrli sektorlaryndaǵy 150 óndiristik kóshbasshy bul proseske qatysýǵa ynta bildirdi.
«Jumys berýshilerdi kadrlar daıarlaý prosesine tartý úshin bıznes úshin nesıe jáne salyq máselelerin jeńildetý arqyly jaǵdaılar týdyrý qajet, sonymen qatar mamandardy eńbek naryǵynyń shynaıy qajettilikterine saı daıarlaý kerek», - dedi K. Shámshıdınova.
Eńbek jáne halyqty áleýmettik qorǵaý mınıstri B. Saparbaev qazirgi kásiptik standarttardyń ázirlenýi týraly baıandady. Onyń aıtýynsha, 2025 jylǵa qaraı eńbek naryǵynda aıryqsha ózgerister bolady, onyń ishinde biliktilik talaptary artady.
«Aldyn-ala boljam boıynsha kadrlarǵa qosymsha qajettilik 573 myńnan astam adamdy quraıdy, orta jáne joǵary bilikti jumys oryndary sanynyń artýy kútiledi», - dedi B. Saparbaev. 2019 jyldyń sońyna deıin eńbek naryǵynda kadrlarǵa qajettilik boljamyn sheshý úshin Eńbek resýrstaryn ulttyq boljamdaý júıesi qurylatyn bolady, onda ekonomıka úshin qajet kadrlarǵa suranys qalyptastyrylady.
Eńbek resýrstarynyń biliktiliginiń eńbek naryǵyndaǵy qajettilikterge sáıkestigin qamtamasyz etetin Ulttyq biliktilik júıesin damytý aıasynda 106 kásiptik standart ázirlendi, olarda jumys berýshilerdiń jumyskerlerdiń bilimine, daǵdylary men quzyretine qoıatyn talaptary kórsetilgen. Aǵymdaǵy jyly 12 basym sala boıynsha 480 kásiptik standart pen 38 salalyq sheńberdi ázirleý jáne bekitý josparlanyp otyr.
Budan ózge, biliktilik júıesin odan ári damytý úshin Mınıstrlik halyqaralyq sarapshylardy tarta otyryp, Ulttyq biliktilik júıesin damytý jónindegi 2025 jylǵa deıingi jol kartasyn ázirleýde, ol ekinshi jartyjyldyqta qabyldanady.
О́z kezeginde, «Atameken» UKP basqarma tóraǵasy O. Ordabaev TjKB damytý aıasynda eńbekke ornalastyrý prosesin jetildirý boıynsha usynylatyn tásilder týraly aıtyp berdi. Baǵdarlamanyń iske asyrylýy jáne budan keıingi josparlar týraly Atyraý oblysynyń ákimi N. Noǵaev, Soltústik Qazaqstan oblysynyń ákimi - Q. Aksaqalov baıandady.
Otyrysta sonymen qatar bıznes jáne joǵarǵy oqý oryndarynyń ókilderi - «AgroDamý» JShS basshysy R. Býkeev, A. Baıtursynov atyndaǵy Qostanaı memlekettik ýnıversıtetiniń rektory A. Doshanova baıandady.
Premer-Mınıstrdiń Orynbasary G. Ábdiqalyqova tehnıkalyq jáne kásiptik bilimdi damytý úshin birneshe baǵytty qoldaný qajettigin atap ótti, onyń ishinde dýaldy oqytýdy damytý jáne kolledjderdi basqarý júıesin jetildirý bar. Qazirgi talaptarǵa sáıkes kolledjderdiń materıaldyq-tehnıkalyq bazasyn jaqsartý qajet. Sonymen qatar, TjKB damytýǵa bıznesti tartý máselesin pysyqtaý kerek.