Adamdardyń sanasyn tumandatyp, aqyl-esinen aıyratyn psıhotroptyq zattardy satý qansha jerden tosqaýyl qoıylsa da báseńder emes. Ońaıdan olja izdegender bul isiniń zań aldynda da, jaratqan aldynda da qylmys ekendigin bilgenimen tar peıilderine toqtam sala almaıtyn syńaıly.
Jańaqorǵan aýdany, Birlik aýylynan shyqqan kúmándi mashına týraly aldyn ala habardar bolǵan polıseıler avtokólikti toqtatqanda sezikteriniń aldamaǵanyna kózi jetti. Paketke oralǵan shóp untaǵy dalanyń jabaıy shóbi emes eken.
«Ol zat júrgizýshi oryndyǵynyń astynan tabyldy. Shóp untaǵyna tıisti saraptama taǵaıyndaldy. Qorytyndy boıynsha polıetılen paketke salynǵan untaq salmaǵy 1268,92 kelini quraıtyn marıhýana ekeni anyqtaldy», - dep málim etti Qyzylorda oblystyq polısııa departamentiniń baspasóz qyzmeti.
Atalǵan derek boıynsha kúdiktiniń ústinen QR Qylmystyq kodeksiniń 296-babynyń 4-bóligimen sotqa deıingi tergeý-tekserý amaldary júrgizilgen edi. Endi ol aýdandyq sottyń úkimimen 3 jylǵa bas bostandyǵynan aıyryldy.
Qyzylorda oblysy