Muqtajdyq pen masyldyqtyń arajigi

Jyl basynan beri osy shara­ arqyly 4 myńnan astam adam qajetti keńes alýǵa nıet bil­dir­gen. Tipti, solardyń kóbi ózde­rine­ unaıtyn jumys taýyp nemese qysqa mer­­zimge oqytý kýrs­taryna barǵan.

Degenmen, oblys turǵyn­dary­­nyń bi­raz bóligi atalǵan baǵdarlamalar men me­ha­nızmder týraly bile bermeıtin bolyp shyqty. Endigi maqsat – el arasyn­da túsin­­dirý jumystaryn kú­sheı­tý. Máselen, bú­ginde óńir­de­ 500 dánekerleýshi men qu­ras­tyrýshy jetispeıdi eken. Olar­dyń eń­bekaqylary da táýir kóri­ne­di. Alaıda bul jumystarǵa bar­ǵysy keletinder óte az.

Aıta ketý kerek, Qaraǵandy oblysynda ­jastardyń úlesi 22%-dy quraıdy. Olar úshin óńirde bıyldyń ózinde 30 myń jańa jumys orny ashylmaq.

Atqarýshy bılik ókilderi jas­tardy eńbeksúıgishtikke tár­bıeleý basym baǵyt­taǵy sha­rýa bolýy keregin, olarǵa eli­mizde ju­mys istep, táýir eń­bek­­aqy alýǵa barlyq jaǵ­­daı ja­salǵanyn túsindirgen jón dep sanaıdy.

Qaraǵandy oblystyq jumys­pen qam­týdy úılestirý jáne áleý­mettik baǵ­dar­lamalar bas­qar­masynyń basshysy Ásem Jú­nis­bekovanyń aıtýynsha, bú­gin­de jo­ǵaryda aıtylǵan jumystar je­misin bere bas­taǵan. Mysaly, Osakarov aýda­ny Esil aýylynda turatyn Dmıtrıı Pasko osy ýaqytqa deıin jumyssyz bol­ǵan eken. Taıaý­da ol «Jatva» sharýa qoja­lyǵyna meha­nızator bolyp ornalasyp, táp-táýir eń­bekaqy ala bastady. Tapqan tabysyna 1 taıynsha, 9 shoshqa, 10 balapan jáne 10 qaz satyp alypty. Qazir jár­demaqy su­ra­maı­dy.

Sondaı-aq Saran qalasynyń turǵyny Irına Logınovanyń eńbekpen qamtý orta­ly­ǵyna habarlasqanǵa deıingi otba­sy­lyq tabysy bar-joǵy 20 myń teń­ge bolypty. Taıaýda Irına Saran qala­syn­daǵy «Teremok» dúkenine satýshy bo­­lyp ornalasty. Otbasynyń tabysy 65 500 teńgeden asty. Qazir Irı­nanyń jaǵ­daıy túzelgen, ba­lasy «Balǵyn» degen bala­baq­shaǵa ornalasty. Búginde Lo­gınova hanymǵa tólenetin járdemaqynyń merzimi aıaq­tal­ǵan. Al ony qaıta taǵaıyndaýǵa otbasy ótinish túsirmegen.

Qaraǵandy oblystyq jumys­pen qamtý­dy úılestirý jáne áleý­mettik baǵdarla­malar­ bas­qarmasy usynǵan derekke saı, bıyl 19 shildege deıin jumyspen qamtý or­ta­lyq­tary­na, HQO-larǵa, kenttik jáne aýyldyq ákimdikterge 20 myń­nan as­tam adam kómek surap, ótinish túsirgen. Olar­dyń ishinde 9355 adamǵa járdemaqy taǵaıyndalǵan.

2018 jylmen salystyrǵanda AÁK ala­tyn turǵyndar sany tórt esege ósip ket­ken. Al bıýdjet shyǵyny alty esege kó­beı­gen. Qazirgi tańda oblys­ta­ qu­ramy­na ishki ister or­gan­dary­nyń, mem­le­kettik kiris, eń­bek komı­teti ókilderi kirgen ju­mys toby qury­lyp, ataýly áleý­met­tik kómek alý­shylardyń jeke sha­rýa­shylyq­taryn zertteýmen aınalysady.

Oblys basshylyǵy áleýmet­tik kómek­ti zańsyz jolmen­ alyp kelgen otbasylar­dan qaıta­ry­latyn qarajatty jiti qada­ǵalap otyr. Sonymen qatar qaı óńirde mundaı masyldyq minez-qulyqtyń jıi qaıtalanatynyn anyqtap, olarǵa tal­daý jasaýmen de aınalysyp jatyr. Ataý­ly áleýmettik kómek tek qana muq­taj jan­darǵa berilýi tıis. Sondyqtan jár­dem­aqy taǵaıyndaý oblys ákiminiń jeke baqy­laýynda bolady.

Qaraǵandy oblysy