Sırııadaǵy gýmanıtarlyq ahýal kúrt nasharlaı túsýde, bosqyndar sany artyp otyr. BUU derekterine sáıkes 7 mıllıonǵa jýyq sırııalyq jedel gýmanıtarlyq kómekke zárý bolsa, olardyń jartysy – balalar. Kórshi elderge qashqan bosqyndar sany mıllıon adamnan asyp ketken.
BUU Sırııadaǵy qarýly qaqtyǵys saldarynan ár aı saıyn shamamen 5 myń adam kóz jumatynyn kóldeneń tartýda. BUU-nyń Bosqyndar isi jónindegi joǵarǵy komıssary Antonıo Gýterrestiń atap ótkenindeı, Sırııadaǵy janjal boljamdalǵanynan aıtarlyqtaı uzaq ýaqytqa sozylýda, sondyqtan onyń saldary da tym aýyr. Jáne de búkil Taıaý Shyǵys óńirine qater tóndirip otyr.
Áskerılerdi sotqa bermek bolyp otyr
Taǵynan taıdyrylǵan Mysyr prezıdenti Muhammed Mýrsıdiń otbasy áskerılerge qarsy sotqa shaǵymdanbaq nıeti bar ekenin málimdedi. «Qylmys jasamaǵan adamdy ustaýǵa nemese urlaýǵa eshkimniń eshqandaı qaqysy joq», deıdi osy oraıda Mýrsıdiń uly Mýrsı Ýsama.
Sondaı-aq, ol óziniń otbasy Mysyrdyń qorǵanys mınıstri Ábdel Fattah ál-Sısıge qarsy halyqaralyq deńgeıde quqyqtyq shara qoldanatynyn atap kórsetti. Ýsamanyń sózine qaraǵanda, elde bılik aýysqaly beri ákelerimen eshqandaı baılanysqa shyǵa almaı otyrǵan kórinedi. Sonymen qatar, onyń qaıda ekeni, densaýlyǵy qandaı jaǵdaıda ekeni týraly da eshteńe bilmeıdi eken. Mýrsıdiń otbasyn «Musylman baýyrlar» qozǵalysynyń músheleri qoldap otyr.
Pontıfıktiń saparyna narazylar bar
Rım Papasy Fransısk barmaqshy bolyp otyrǵan Brazılııadaǵy shirkeýden qoldan jasalǵan jarylǵysh qurylǵy tabylǵan. Shirkeý San-Paýlý shtatynda ornalasqan. Bul týraly habarlaǵan derek kóziniń málimetine qaraǵanda, jarylǵyshtyń qýaty surapyl eken.
Rım Papasy Brazılııaǵa pontıfık retindegi alǵashqy bir aptalyq sapary barysynda hramǵa búgin barýy tıis bolatyn. Osy aralyqta Rıo-de Janeırodaǵy úkimet saraıynda Rım Papasy Brazılııa prezıdenti Dılma Rýsseffpen kezdesken edi. Sol sátte júzdegen adam sherýge shyǵyp, ózderiniń narazylyqtaryn bildirdi. Polısııa kózden jas aǵyzatyn gaz qoldanyp, demonstranttardy qýyp taratty. Sherýge shyqqandar saparǵa oraı Brazılııanyń 53 mıllıon dollar shyǵyndaıtynyna narazylyq bildirgen-tin.
Qysqa qaıyryp aıtqanda:
Kembrıdj gersogınıasy Keıt Mıddlton ul bala týǵan. Ázirshe aty belgisiz náreste Kembrıdj murageri bolyp tabylady jáne Ulybrıtanııa koroli taǵynan úshinshi úmitker bolyp esepteledi.
Qytaıdaǵy jer silkinisinen qaza tapqandar sany 89 adamǵa jetti. 5 adam tabylmaı otyr. 515 adam zardap shekkender qatarynda bolsa, 60-nyń jaǵdaıy aýyr delinýde. Zilzala saldarynan 1,2 myń úı qıraǵan.
Taılandtyń ortalyq bóligindegi avtomobıl apatynan 19 adam qaza tapty. Oqıǵa Sarabýrı provınsııasynda oryn alǵan. Eki qabatty avtobýs júk kóligimen soqtyǵysqannan keıin otqa oranǵan.
Lıvııanyń Bengazı portynda qarýly adamdar Ýkraına ekıpajynyń basqarýyndaǵy Etel kemesin basyp alǵan. Ýkraına tarapy oqıǵany jaýlyq aksııasy retinde baǵalap otyr. Kemege jalpy quny 9,5 mıllıon dollar turatyn 600-deı avtokólik tıelipti.
EO-da memlekettik qaryzy IJО́-niń 100 paıyzynan asatyn bes memleket bar. Olardyń kóshin Belgııa bastap tursa, odan keıingi «júldeli» oryndar Grekııanyń, Irlandııanyń, Portýgalııanyń, sondaı-aq, Italııanyń enshisinde.
Detroıttaı zardap shekken qala joq
AQSh-ta resessııadan Detroıt sekildi qatty zardap shekken birde-bir qala joq. 2007 jyldan beri shahar turǵyndary eki esege qysqarsa, qazirgi kezde óteýi esh múmkin bolmaı otyrǵan qaryz kólemi 18 mıllıard dollarǵa jetken.
Endi Detroıttaǵy qıyn jaǵdaı búkil eldegi óndiristi qalalarǵa qater tóndirýde. Al qalanyń ózindegi ahýal avtomobıl óndirisinde quldyraý bastalysymen birden kúrt nasharlap ketken. «Birde-bir qala mundaı aýyr saldardy basynan ótkergen joq, biraq elde kún tártibinde osyndaı problemalary bar ondaǵan, tipti júzdegen qalalar tur. Qazirgi kezde AQSh-tyń kez kelgen ındýstrııalyq qalasy Detroıttyń kebin kııýi ábden múmkin», deıdi sarapshylar.
Birtutas Baltyq armııasyn quptamaıdy
Estonııa qorǵanys mınıstri Ýrmas Reınsalý jaqynda Latvııa prezıdenti Andrıs Berzınsh aıtqan Baltyq elderi qarýly kúshterin biriktirý ıdeıasyn syn