Oblys ortalyǵyndaǵy óńirlik kardıohırýrgııalyq ortalyqta Lıtvadan kelgen kardıohırýrg Rımantıs Benetıs jergilikti kardıohırýrgterge sheberlik synybyn ótkizdi. Alǵash ret naýqastyń júrek bóliginiń qaqpaqshasyn almastyrý úshin eki adamǵa tegin ota jasalyp, sátti aıaqtaldy.
– Men jasaǵan mundaı otalardy jergilikti kardıohırýrgter de jasaı alady. О́ıtkeni, sizderdiń ortalyqtaryńyz zamanaýı jabdyqtarmen qamtamasyz etilgen. Aralaryńyzda olardyń tilin biletin mamandar da bar, – dedi lıtvalyq dáriger. Ol sóz arasynda qazaqstandyq dárigerlerdiń ózi basqaratyn Kaýnas kardıologııalyq emhanasyna kelip, jumys barysymen tanysyp, bilimderin jetildire alatynyn da jetkizdi. Jarty jylǵa jýyq ýaqyt Astanada dárigerlermen júıeli túrde jumys jasaıtynyn da aıtyp ótti.
Oblys ortalyǵyndaǵy óńirlik kardıohırýrgııalyq ortalyq ashylǵan jarty jyldyń ishinde 900-ge jýyq ota jasaldy.
Farıda BYQAI,
«Egemen Qazaqstan».
Pavlodar.