Mańǵystaý oblystyq Polısııa departamentiniń bastyǵy polısııa general-maıory Janarbek Baqtybaev karantın kezindegi alaıaqtyqtyń jıilep ketýine baılanysty oblys turǵyndaryna úndeý joldady, dep habarlaıdy Mańǵystaý oblystyq polısııa departamenti baspasóz qyzmeti.
«Qurmetti Mańǵystaý oblysynyń turǵyndary men qonaqtary! Polısııa qyzmetkerleriniń baqylaýynda áli kúnge deıin belgisiz adamdarǵa óz aqshalaryn beretin azamattarǵa qatysty alaıaqtyqpen baılanysty qylmystar qalýda, al zııankester ózderin áleýmettik jáne zeınetaqy qyzmetkerleri, energetıkalyq jáne gaz qyzmetiniń ókilderi retinde tanystyryp, adamdardyń senimine kirip, zeınetkerlerge arzan azyq-túlik, t.b. zattardy satyp alýdy usynady.
Kóshelerde jáne úılerdiń kireberisterinde Sizge belgisiz azamattarmen sóılesken kezde de saq bolyńyz. Kóptegen jaǵdaılarda alaıaqtar aldaýǵa qolaıly qart adamdardy tańdaıdy, olardy ártúrli aýrýlardan emdep, boıynan dýany alyp tastaýdy usynady.
Uıaly jáne symdy baılanys jelilerinde jáne Internet jelisinde alaıaqtyqtyń eń kóp taralǵan ádisteri. Sońǵy ýaqytta, ásirese karantın kezinde ınternet-alaıaqtyqtyń jıi oryn alýyna qatysty muqııat bolýlaryńyzdy suraımyn, dep atap ótti Janarbek Tóleýbekuly.
«Internet-alaıaqtyqtyń qurbany bolmaý úshin eń bastysy saqtyqtyń negizgi erejelerin este saqtaý qajet. Esińizde bolsyn, avtorızasııa kodtary - bul sizdiń derbes derekterińiz, olardy tipti bank qyzmetkeri suraı almaıdy. Eger qońyraý shalýshy bank qyzmetkeri bolyp ózin tanystyrsa - tútikti ilip, bankke qońyraý shalyńyz. Siz sol jerden qońyraý shalǵandyǵyn anyqtańyz. Eshqashan Siz tanymaıtyn belgisiz adamdarǵa kartochkalardyń nómirleri men artqy jaǵyndaǵy sandardy, SMS-parolderdi, shottardy jáne kez kelgen basqa da qarjylyq derekterdi jibermeńiz. «OLX», «Krysha», «Kolesa», «della.kz» jáne Instagram sııaqty erkin tirkeletin servısti saqtyqpen qoldanyńyz. Olardy tek parasatty azamattar ǵana emes, sonymen qatar alaıaqtar da paıdalanady. Satyp alý nemese satý kezinde aldyn ala tóleýge kelispeńiz. Eger siz basqa qaladan zattardy satyp alsańyz, sol qalada turatyn dostaryńyzdan nemese tanystaryńyzdan olardy tekserýdi surańyz.
Men sizdi qyraǵy bolýǵa jáne jeke málimetterińizdi eshkimge senip tapsyrmaýǵa shaqyramyn. Eger Siz nemese Sizdiń jaqyndaryńyz alaıaqtardyń qurbany bolǵan bolsańyz, únsiz qalmańyz, polısııaǵa ótinish jazyp, dereý bankke habarlasyńyz. Eger Siz bizdiń barlyq keńesterimizdi saqtasańyz, onda Siz qaýipsizdiktesiz! Eger Siz qylmystyń kýágeri bolsańyz, 102-ni terińiz.
Qurmetti azamattar! Jasy men qyzmet salasyna qaramastan barlyq usynystar men shekteý sharalaryna jaýapkershilikpen qaraýǵa shaqyramyz.
Karantınde emes azamattardyń barlyǵyna – asa qajet bolǵan jaǵdaıda ǵana úıden shyǵýǵa tyrysyńyz – azyq-túlik satyp alý, sonyń ishinde ásirese úlken jastaǵy týystary úshin, dárihanaǵa barý, óndiristik jumyspen aınalysýyna baılanysty, basqa da asa mańyzdy sebepter boıynsha.
Eresek turǵyndarǵa úlken ótinish – balalardy baqylaýdy júzege asyryńyz, olardy saqtańyzdar, kámeletke tolmaǵandardyń úıden osy ýaqytsha shekteý kezeńde shyǵýyna jol bermeńiz.
Barlyqtaryńyzdy úıde qalýdy suraımyz. О́z qaýipsizdigińiz úshin úıde qalyńyz, al biz óz kezeginde jumys istep, halyqtyń ıgiligi úshin qyzmet etemiz!» dedi úndeýinde vedomstvo basshysy J. Baqtybaev.
Mańǵystaý oblysy