Jaza basqandy jazalaý ǵana emes, túzetý mańyzdy is. Izgi ister uıymdastyrýdan Aqtaý qalasyndaǵy QR Ishki ister mınıstrligi qylmystyq-atqarý komıtetine qarasty GM-172/6 túzetý mekemesi syrt qalyp júrgen joq. Olar, ıaǵnı atalǵan mekemeniń qyzmetkerleri «Biz birgemiz» aksııasy aıasynda áleýmettik jaǵynan az qamtylǵan kóp balaly otbasylarǵa kómek qolyn sozyp, azyq-túlik túrlerin syıǵa tartty.
Bul otbasylar Mańǵystaý oblysy boıynsha qylmystyq-atqarý Departamenti júıesiniń volonterlik qoldaýdy qajet etetinder tizimine engender bolyp tabylady. Qıyn kezde qoldaýdy asa qajet etip otyrǵan otbasylarǵa mekeme qyzmetkerleri azyq-túlikpen birge tótenshe jaǵdaı kezinde qajetti zalalsyzdandyrý jabdyqtaryn tartý etti.
-Qylmystyq-atqarý júıesi Departamenti qyzmetkerleri qashanda halyqpen birge. Ásirese, el ishine indet taraǵan qıyn shaqta halyqqa qoldaý kórsetip, janynan tabylý – maqsat. Búgingi aksııa departamenttiń volonterlik baǵdarlamasy aıasynda júzege asty, biraq munymen toqtap qalmaı jalǵasyn taba beretin bolady, dep habarlady Mańǵystaý oblysy boıynsha Qylmystyq-atqarý júıesi Departamenti baspasóz qyzmeti óz habarlamasynda.