Búgin Qaraǵandy oblysynda eki adamnyń koronavırýs ınfeksııasyn juqtyrǵany belgili boldy, dep habarlady oblys ákiminiń baspasóz qyzmeti.
Pasıentterdiń biri Qaraǵandynyń 1991 jyly týǵan turǵyny bolsa, ekinshisi Shahtınsk qalasynda turatyn 48 jastaǵy áıel adam. Naýqastardyń ekeýi de ınfeksııalyq stasıonarǵa jatqyzyldy.
Mamyrdyń 5-ine deıin kelip túsken málimetke saı, Qaraǵandy oblysynda COVID-19 indetin juqtyrýdyń 161 oqıǵasy tirkelgen. Onyń ishinde 3 naýqas kóz jumdy jáne 77 adam aýrýdan jazylyp shyqty.
Qaraǵandy oblysy