Almaty qalasynyń ákimi Baqytjan Saǵyntaevtyń tapsyrmasymen onyń orynbasary Erjan Babaqumarov vıdeo-konferensııalyq baılanys rejiminde joǵary oqý oryndarynyń rektorlarymen aldaǵy Biryńǵaı ulttyq testileýdi ótkizý máseleleri boıynsha jınalys ótkizdi.
Jıynǵa qalalyq Bilim basqarmasynyń basshysy L.Jylqybaeva, Almatynyń Bas memlekettik sanıtar dárigeri J.Bekshın, aýdandyq ákimdikterdiń ókilderi, 12 JOO rektorlary men prorektorlary, sonymen birge, UBT ótkizý kezinde qaýipsizdiktiń saqtalýyna jáne synaqty ótkizýge jaýapty barlyq salalyq vedomstvolar qatysty.
Kezdesýdiń basty maqsaty – UBT men ony ótkizý pýnktterinde barlyq qaýipsizdikti qamtamasyz etý daıyndyǵyn tekserý.
Almatyda 14 972 adam UBT tapsyrady dep josparlanýda, sonyń ishinde, 9047 túlek aǵymdaǵy oqý jylynan bolsa, 5 925-i ótken jyldardaǵy mektep jáne kolledj túlekteri. Test burynǵy qalyptasqan formatta ótedi.
Almatyda UBT maýsymnyń 20-sy men shildeniń 5-i aralyǵynda alty JOO ótedi: Qazaq ulttyq agrarlyq ýnıversıteti, Ál-Farabı atyndaǵy Qazaq ulttyq ýnıversıteti, Halyqaralyq bıznes ýnıversıteti, Abaı atyndaǵy Qazaq ulttyq pedagogıkalyq ýnıversıteti, Qazaq ulttyq qyzdar pedagogıkalyq ýnıversıteti, «Narhoz» ýnıversıteti.
Jınalys barysynda koronavırýs ınfeksııasyn juqtyrýdy boldyrmaý úshin kúsheıtilgen sanıtarlyq-epıdemıologııalyq talaptardy qatań saqtaý qajettigine nazar aýdaryldy. Jekeleı alǵanda, jedel respıratorly belgileri jáne basqa da ınfeksııalyq aýrý belgileri bar azamattardy ótkizbeý maqsatynda UBT qatysýshylar men oǵan tartyrǵan qyzmetkerler aǵynyn súzgiden ótkizý; áleýmettik qashyqtyqty saqtaý jáne adamdardyń toptaspaýy úshin aýdıtorııaǵa kirý jáne shyǵý baǵyttaryn jasaý; sonymen birge, aýdıtorııa ishinde jeldetý júıesiniń bolýymen qamtamasyz etý máseleleri qaraldy.
Belgilengen algorıtmge sáıkes UBT pýnktterinde kelesi sharalar saqtalatyn bolady:
-aýdıtorııalardaǵy test tapsyrýshylar sanyn 2 esege deıin qysqartý (50 paıyzǵa deıin);
-test tapsyrýshylardy kirgizer aldynda, sonymen birge, UBT ótkizý kezinde olardyń aralyǵy keminde 1,5-2 metr bolady, shekteý lentalary ornatylatyn bolady;
- UBT ótkizý pýnktteri tes tapsyrýshylardy, memlekettik komıssııa músheleri men kezekshilerdi tekserý úshin teplovızorlarmen, dezınfeksııalaıtyn tonneldermen, sanıtaızerlermen, aıaq kıimderdi dezınfeksııalaıtyn kilemdermen, maskalarmen jáne qolǵaptarmen qamtamasyz etiledi. Aýrý belgileri anyqtalǵan jaǵdaıda medısı na qyzmetkerleriniń alyp júrýimen azamattar odan ary tekserý úshin medısınalyq mekemelerge joldanady. Ol úshin JOO perımetri boıynsha jedel medısınalyq qyzmettiń kezekshileri jumys isteıtin bolady.
- UBT qatysýshylardyń barlyǵy medısınalyq maskalarmen, bótelkedegi sýlarmen jáne bir rettik stakandarmen qamtamasyz etiledi;
- aýdıtorııalarda jeldetý júıesi jáne aýany baptaý júıesi bólmeni árbir 1,5-2 saǵat saıyn jeldetý rejımin saqtaý arqyly úzdiksiz jumys isteıdi. Jyly maýsymda aýdıtorııalarda testileý kezinde framýgalar men terezeler ashylyp turady.
- bólmelerdi, esik tutqalaryn, baspaldaqtyń ustaıtyn jerlerin, terezelerdiń aldyn, ústeldiń ústińgi qabatyn, oryndyqtardy jáne basqa da zattardy kúnine keminde 2 retten dezınfeksııalap, jýýshy jáne dezınfeksııalyq quraldarmen búkil aýdıtorııaǵa ylǵaldy tazalyq júrgizýdi qamtamasyz etý;
- qyzmetkerler men mektep túlekteriniń jeke gıgıenany saqtaýy úshin tıisti jaǵdaıdy (sanıtarlyq toraptardyń jumys isteýi, qol jýǵyshtardyń, sabynnyń, bir rettik súlgiler men sanıtaızerlerdiń bolýy, ) jasaý;
Sonymen birge, UBT qatysýshylarmen birge kelgen ata-analary úshin arnaıy kútý oryndary qarastyrylmaq. Sonymen birge, adamdardyń kóptep jınalýyn boldyrmaý úshin ata-analarǵa balalarymen birge UBT-ge kelmeý usynysy jasaldy. Olar úshin onlaın rejımde aýdıtorııadan tikeleı kórsetilim uıymdastyrylady.
Almaty qalasy ákiminiń orynbasary Erjan Babaqumarov joǵaryda atalǵan talaptardy qamtamasyz etý úshin tıisti basqarmalar men vedomstvolarǵa birqatar naqty tapsyrmalar berdi.
Ulttyq biryńǵaı testileýdi ótkizý erejesine sáıkes, nátıjelerdiń ashyqtyǵy men obektıvtiligin qamtamasyz etý maqsatynda UBT ótkizý pýnktteri UBT barysyn baqylaýdy jáne onlaın translıasııany qamtamasyz etetin beınekameralarmen qamtamasyz etiledi. Bul rette rezervtik jabdyqtalǵan aýdıtorııalar qarastyrylatyn bolady.
Oqýshylar men ata-analar UBT-daǵy kelesideı erejelerge nazar aýdarý qajet:
- testileýge jiberý barysynda qatysýshydan tyıym salynǵan zattar tabylǵan jaǵdaıda, oqýǵa túsýshi osy testileýge, sondaı-aq aǵymdaǵy jylǵy kelesi UBT-ǵa jiberilmeıdi.;
- UBT kezinde qatysýshydan tyıym salynǵan zattar tabylǵan jaǵdaıda, testileý nátıjeleri joıylady jáne oqýǵa túsýshi aǵymdaǵy jyly UBT-ǵa jiberilmeıdi;
- UBT-ǵa «jalǵan adamdy» tartqan oqýǵa túsýshi aǵymdaǵy jyly testileýge jiberilmeıdi;
- UBT aıaqtalǵannan keıin kúntizbelik jyldyń 25 tamyzyna deıin beınejazbalarǵa taldaý júrgiziledi. Qatysýshynyń tyıym salynǵan zattardy paıdalanýy anyqtalǵan jaǵdaıda, UBT jáne konkýrs nátıjeleri joıylady.