Elimizde Naýryz merekesine oraı «Nauryz Sale» respýblıkalyq aksııasy bastaldy, dep habarlaıdy Egemen.kz.
Aksııa aıasynda saýda nysandary satyp alýshylarǵa azyq-túlik jáne azyq-túlik emes taýarlarǵa 10-70 paıyzǵa deıin jeńildikter usynýda.
Aksııalyq taýarlar arnaıy merekelik baǵa belgilerimen jáne navıgasııalyq kórsetkishtermen belgilengen, bul kelýshilerge jeńildikpen usynylǵan taýarlardy ońaı tabýǵa múmkindik beredi.
Aksııaǵa shamamen 300 saýda sýbektisi qatysýda. Olardyń qatarynda 140 saýda úıi men saýda-oıyn-saýyq ortalyǵy, 140 saýda jelisi jáne 20 ınternet-platforma bar.
Qatysýshylar arasynda elimizdiń iri saýda jelileri Magnum Cash&Carry, Small, Galmart, Anvar, Dına, Toimart, Astykjan, Greenwich jáne basqalary bar. Aksııa barysynda otandyq óndirýshilerdi qoldaýǵa erekshe kóńil bólinýde. Saýda ortalyqtarynda qazaqstandyq kompanııalardyń ónimderi usynylǵan arnaıy aımaqtar uıymdastyrylyp, onda taýarlar naryqtyq baǵadan orta eseppen 10-20 paıyzǵa tómen baǵamen satylyp jatyr.
Satyp alýshylar da birqatar taýarlar baǵasynyń aıtarlyqtaı tómendegenin atap ótti.
«Jeńildikter óte kóp ekenin kórip otyrmyn. Osy saýda jelisinde aksııa arqyly 5 keli undy 1400 teńgege satyp aldym, sondaı-aq kókónisterdiń baǵasy da tómendegen — kartop pen sábiz aldym. Shynymdy aıtsam, 100 teńgelik baǵa belgilerin burynnan kórmep edim, búgin shynymen merekelik jeńildikter seziledi», dedi elorda turǵyny Aqbota Jaqaeva.
Merekelik kóńil kúıdi elimizdiń barlyq óńirinde ótip jatqan aýyl sharýashylyǵy jármeńkeleri de tolyqtyrýda. Munda turǵyndar jergilikti óndirýshilerdiń jańa ónimderin qoljetimdi baǵada satyp ala alady.
«Naýryznama»: Elordada Kórisý kúni qalaı atap ótiledi?
«Nauryz Sale» aksııasy Naýryzdy jalpyhalyqtyq merekeleýdiń bir bóligine aınalyp, otandyq bıznesti qoldaýǵa, ishki saýdany damytýǵa jáne qazaqstandyqtar úshin mereke qarsańyndaǵy saýdany odan ári tıimdi etýge baǵyttalǵan.
Aıta keteıik, merekelik naýqan 13-23 naýryz aralyǵynda el aýmaǵynda ótip, júzdegen saýda alańyn biriktirip, turǵyndar men el qonaqtary úshin kóktemgi jańarý men tıimdi saýdanyń erekshe atmosferasyn qalyptastyrady.Naýryz merekesi qarsańynda Qazaqstanda qosymsha elektrpoıyzdar iske qosylady