Túrkistan oblysynyń aýmaǵynda karantın jáne shekteý is-sharalary koronavırýstyq ınfeksııa boıynsha epıdemıologııalyq jaǵdaı turaqtalǵanǵa deıin uzartyldy. Osyǵan baılanysty birqatar shekteý sharalary qolǵa alynyp otyr, - dep habarlaıdy Egemen.kz
О́ńirde koronavırýstyq ınfeksııanyń rastalǵan 400-den astam jaǵdaıy tirkelgen. Jazylǵandar sany - 257. Infeksııanyń juqtyrý kózderi boıynsha 84 naýqas syrttan ákelgen (Nur-Sultan-1, Aqtaýdan-1, Atyraýdan-31, Almatydan-2, Shymkentten-2, Qyzylorda-1, Pavlodardan-1 jáne Reseıden-5, Týrkııadan-1, О́zbekstan-37, Jezqazǵan-2). Bul derekterdi О́ńirlik kommýnıkasııalar qyzmetinde ótken brıfıng kezinde keltirgen Túrkistan oblysy ákiminiń orynbasary Sáken Qalqamanov turǵyndardy karantındik sharalarǵa túsinistikpen qarap, barlyq talaptardy saqtaýǵa shaqyrdy.
Sondaı-aq, brıfıngte sóz alǵan óńirdiń Bas sanıtar-dárigeri Nurbek Nyshanov karantın rejımindegi birqatar sharalardy atap ótti.
"Qoǵamdyq oryndarda adamdar arasyndaǵy ara qashyqtyq 2 metrden kem bolmaýy tıis. Maskalyq rejımdi saqtaı otyryp saıabaqtarda, alańdar men skverlerde, jaǵalaýlarda azamattardyń serýendeýine ruqsat etiledi. Otbasylyq is-sharalardy ótkizýge jáne mundaı jerlerde toptalyp jınalýǵa tyıym salynady. Al, jerleý is-sharalaryn júrgizý kezinde keminde 2 metr qashyqtyqty saqtaı otyryp, 20 adamǵa deıin jınalýyna ruqsat etiledi", – dedi N.Nyshanov.
Sondaı-aq oıyn-saýyq, sporttyq jáne basqa da buqaralyq is-sharalardy ótkizýge, saýda, oıyn-saýyq ortalyqtary janyndaǵy balalardyń oıyn alańdary, kınoteatrlardyń, teatrlardyń, kórmelerdiń, túngi klýbtardyń jáne mal bazarlarynyń qyzmetine tyıym salyndy. Budan bólek, N.Nyshanov karantın kezinde saqtyq sharalaryn saqtaı otyryp, jumys isteıtin mekemelerdi atap kórsetti.
Sanıtarlyq-epıdemıologııalyq jáne kúsheıtilgen dezınfeksııalyq rejımdi saqtaı otyryp, mektepke deıingi uıymdardaǵy kezekshi toptardyń, balalar úıleriniń tárbıelenýshileriniń jazǵy demalysy úshin Túlkibas aýdanyndaǵy "Samal" jáne tek qana Maqtaaral aýdanyndaǵy sý tasqyny kezinde zardap shekken balalar úshin Saryaǵash aýdanyndaǵy "Baldáýren" saýyqtyrý lagerleriniń jumysyna ruqsat etiletinin habarlady.
Túrkistan oblysy