Áıgili balýan Baqtııar Baıseıitov jetekshilik etetin grek-rım kúresinen Qazaqstannyń ulttyq qurama komandasy Almatynyń irgesinde ornalasqan "Aqbulaq" olımpıadalyq ortalyǵynda oqý-jattyǵý jıynyn ótkizýde, dep jazady Egemen.kz
Koronavırýs pandemııasyna baılanysty uzaqqa sozylǵan úzilisten keıin balýandar Alataýdyń eteginde bas qosýdy qup kórgen eken. Ulttyq Olımpıada komıtetiniń habarlaýynsha, bul rette barlyq saqtyq sharalary saqtalady. Komanda músheleri men qyzmet kórsetý personalynyń bógde adamdarmen baılanys jasaýyna ruqsat etilmeıdi. Bapkerler men sportshylardyń jatyn orny men tamaqtanatyn jerleri dezınfeksııalanady. Táýligine birneshe ret olardyń densaýlyǵy tekseriledi.
Qazirgi kezde Almat Kebisbaev, Nurmahan Tynalıev, Meırambek Aınaǵulov, Demeý Jadyraev, Aıdos Sultanǵalı, Meıirjan Shermahanbet, Qorlan Jaqansha, Ashat Dilmuhamedov, Azamat Qustybaev, Maqsat Erejepov, Erulan Iskakov, Nursultan Tursynov, Ashat Jańbyrov, Temirlan Shadýkaev, Azat Sadyqov, Islam Ýmaev, Álimhan Syzdyqov, Elmar Ýqalı, Ilımdar Sataev, Almas Baıbatshanov, Tilek Ásembaev, Nurbek Qyzyrov, Arslan Abdýrahmanov, Dıas Qalen jáne Evgenıı Polıvadov syndy saıypqyrandar "Aqbulaqta" oqý-jattyǵý jıynyn ótkizýde.