Búginnen bastap Pavlodar №1 qalalyq aýrýhanasynda qosymsha 200 oryn daıyndalýda, dep habarlaıdy pavlodarnews.kz tilshisi.
Bul týraly onlaın baspasóz jıynynda oblystyq densaýlyq saqtaý basqarmasy basshysynyń m.a. Birjan Dosmaılov málim etti.
"Qazirgi ýaqytta aýrýhanadaǵy bos oryndar azaıdy", - dedi Birjan Dosmaılov. – О́ıtkeni JRVI men pnevmonııaǵa shaldyqqandar sany artýda. Tek keshegi kúnniń ózinde 305 naýqas aýrýhanaǵa tústi. Búginde atalǵan sanattaǵy 956 naýqas aýrýhanada jatyr. О́ńirimizde ýaqytsha qaraý oryndarynyń sany 1 myńnan asady. Qazirgi ýaqytta ýaqytsha qaraý oryndary 98,9 paıyzǵa, ınfeksııalyq gospıtaldar 77,3 paıyzǵa tolǵan. Eske sala keteıik, budan buryn oblys ákimi jatar oryndardy kóbeıtý jóninde tapsyrma bergen bolatyn. "Pandemııa bastalǵan sátte oblys ortalyǵyndaǵy qalalyq №3 aýrýhana ýaqytsha qaraý mekemesi etip jasalyp, 385 oryn ashyldy. Sondaı-aq kardıo ortalyqtyń ǵımaratynda 135 oryn ashyldy. G.Sultanov atyndaǵy oblystyq aýrýhanada 282 oryn daıyndaldy. Búgin qalalyq №1 aýrýhanada qosymsha 200 ýaqytsha qaraý oryny ázirlendi", - dedi Birjan Dosmaılov.Aıta keteıik, qazirgi ýaqytta Pavlodar oblysynda 535 adam koronavırýs juqtyrǵan. Indetten 282 adam jazylyp shyǵyp, 13 adam kóz jumdy.