Qazaqstandyqtardy Elorda kúnimen quttyqtaǵan agenttik tóraǵasy 23 jyl ishinde el astanasy zamanaýı, qarqyndy damyp kele jatqan, qaıtalanbas kelbeti men arhıtektýralyq stıli bar qalaǵa aınalǵanyn, Nur-Sultan halyqaralyq deńgeıde tanymal Qazaqstannyń basty kórikti shahary bolǵanyn, bul – Qazaqstannyń Tuńǵysh Prezıdenti-Elbasy Nursultan Ábishuly Nazarbaevtyń orasan zor eńbeginiń nátıjesi ekenin aıtty.
"Qazaqstan tarıhynda elorda ataýy men Elbasynyń esimi egiz uǵym. Sebebi Nursultan Nazarbaev elordany el ortalyǵyna aýystyrý týraly tarıhı sheshim qabyldaǵany belgili. El astanasy - Qazaqstan memlekettiliginiń basty rámizderiniń biri, búkil álemge tanymal brend jáne memleketimizdiń Táýelsizdik jylnamasynyń eń jarqyn bólimi", - dedi A.Jaıylǵanova.
Sondaı-aq, ol Nur-Sultanda álemdik jáne dástúrli dinder lıderleriniń sezderi, Astana ekonomıkalyq forýmdary ótkizildi. Sondaı-aq bul qalada Sırııadaǵy qaqtyǵysty beıbit retteý boıynsha kelissózder júrgizildi, el astanasy barlyq múddeli elderdiń ókilderin jınaǵan mańyzdy kelissózder alańyna aınaldy.Búgingi tańda Nur-Sultanda el men onyń azamattarynyń ıgiligi jolynda ortalyq jáne jergilikti atqarýshy organdarda 14 myńǵa jýyq memlekettik qyzmetshiler eńbek etýde. Árıne, memlekettik qyzmetshilerdiń Otanymyzdyń elordasynda qyzmet etetindikterin uǵynýy olar úshin kásibı ósýge qosymsha ynta beretini jasyryn emes, - dep barsha qazaqstandyqtardy Elorda kúnimen quttyqtady.