Aýrýhana hırýrgtary ony tamyzdyń ortasynda bastaǵaly otyr. Bul týraly aýrýhananyń bas dárigeri Erbol Imanǵalıev málim etti, dep habarlaıdy Egemen.kz
Bas dárigerdiń aıtýynsha, qazir aýrýhanada ınfeksııalyq oryndar sany azaıtylyp, josparly emdeý sharalaryn júrgizýge daıyndalýda. Munda "taza aımaq" jasaqtalyp jatyr.
"Jaqynda hırýrgııalyq, nevrologııalyq, sondaı-aq ońaltýdy qajet etetin beıindi naýqastardy emdeýdi bastaımyz. Tamyz aıynyń ortasynda kúrdeli otalardy jasaýdy josparlap otyrmyz", deıdi oblystyq aýrýhananyń bas dárigeri Erbol Imanǵalıev.
Bul aýrýhana shildeden beri 400 oryndyq ınfeksııalyq stasıonarǵa beıimdelgen bolatyn. Qazir aýrýhanada qaýipti indet juqtyryp túsken naýqastardyń sany azaıypty.
"Buryn qabyldaý bólimshesine táýligine ınfeksııalyq aýrýmen 60-qa jýyq naýqas túsetin. Sońǵy kezde táýligine 15-ke jýyq naýqasty qabyldaýdamyz. Búgingi kúni ınfeksııalyq stasıonarda em qabyldap jatqan 137 naýqas bar. Endi tamyz aıynan bastap 200 kerýetke josparly túrde emdeletin naýqastardy qabyldaýǵa daıyndalýdamyz", dedi Erbol Imanǵalıev.