Qyzylordalyq polıseıler jazǵy demalys kezindegi balalar qaýipsizdigin baqylaýda, – dep habarlaıdy Egemen.kz Polisia.kz saıtyna silteme jasap.
Jazǵy demalys balalardyń tynyǵyp, densaýlyǵyn nyǵaıtatyn ýaqyt. Ata-analardyń óz balalaryn qaýipsizdik erejelerimen tanystyryp, bul qaǵıdalardy ustanýyn qadaǵalaý óte mańyzdy. Jazǵy demalys kezinde balalardyń jeke basynyń qaýipsizdigin qamtamasyz etý maqsatynda jaz mezgiliniń úsh aıyna ýchaskelik polısııa ınspektorlarymen birlese ıývenaldy polısııa qyzmetkeri kezekshilikke bólinip, qyzmet atqaryp jatyr.
Jazǵy demalys ýaqytynda balalardyń jeke qaýipsizdigi, onyń ishinde sýǵa shomylý kezindegi qaýipsizdik sharalary ata-analardyń nemese olardy almastyratyn adamdardyń erekshe nazarynda bolýy qajet. Bul oraıda, polısııa qyzmetkerleri balalardyń qaýipsizdik máselesine beı-jaı qaramaı, saqtyq sharalaryn qatań saqtaýǵa shaqyrady. Qazaqstan Respýblıkasynyń Ákimshilik quqyq buzýshylyq týraly Kodeksinde belgilenbegen oryndarda sýǵa shomylýǵa qatań tyıym salynǵan. Osyndaı derekter anyqtalǵan jaǵdaıda Qazaqstan Respýblıkasy Ákimshilik quqyq buzýshylyq týraly kodeksiniń 364-babyna sáıkes ákimshilik shara kóriletin bolady.