Elordalyq mektepterdiń kezekshi synypty qabyldaýǵa daıyndyq barysymen tanysý úshin Álıhan Bókeıhan atyndaǵy №76 mektep-lıseıde BAQ ókilderine arnalǵan press-týr uıymdastyryldy, - dep habarlaıdy Egemen.kz.
Aldaǵy oqý jyly qashyqtan oqytý formatynda bastalatyny belgili. Tek bastaýysh synyptar úshin ata-analardyń ótinishi negizinde "kezekshi synyptar" jumys isteıdi. Qazirgi tańda elordalyq mektepter kezekshi synyptar úshin ótinishter qabyldaýda. Qala boıynsha bastaýysh synyptarda 82 myńnan astam oqýshy bolsa, onyń 50% kezekshi synypta oqýǵa ótinish bildirgen. Kezekshi synypqa ótinish qabyldaý áli de jalǵasýda. Mektepterde bala sany 15–ten aspaıtyn kezekshi synyptar qurylady.
Shara barysynda mektep basshysy Sapýra Týlekova jýrnalısterge mekteptiń sanıtarlyq qaǵıdalarǵa saı jasaqtalǵanyn kórsetip, kezekshi synyptardyń qalaı jumys isteıtinin aıtyp ótti.
"№76 mektep-lıseıde 32 kezekshi synyp quryldy. Bul synyptarda bala sany 15 ten aspaıdy. Aptasyna úsh kún oflaın, qalǵan eki kún qashyqtan oqıdy. Sabaqtyń uzaqtyǵy 40 mın, kúnine 3,4 sabaq ótedi. “Bir synyp - bir muǵalim” qaǵıdasy qatań saqtalady. Iаǵnı, bastaýysh synyptar synyp jetekshisi ótetin pánderdi mektepte oqyp, qalǵanyn onlaın rejımde ótetin bolady. Biz úshin balalardyń jáne pedagogtarymyzdyń densaýlyǵy birinshi orynda, sol úshin sanıtarlyq sharalar qatań saqtalady. Ár synyptyń úzilis ýaqyttary da ártúrli. Árbir ekinshi sabaqtan keıin ylǵaldy jınaý, synyp bólmesin jeldetý júrgiziledi. Sabaq aıaqtalǵannan keıin synyp bólmesi kvarstalady. Mektep dezınfeksııalyq týnnelmen, kvarspen, teplovızormen, maskamen jáne dezınfeksııalyq quraldarmen tolyq qamtamasyz etildi", – dep atap ótti mektep basshysy.
Elordalyq barlyq mektepter kezekshi synyptar úshin Densaýlyq saqtaý mınıstrligi bekitken qaýlyǵa sáıkes barlyq sanıtarlyq sharalardy qatań saqtaı otyryp, (dızınfeksııalyq týnnel, araqashyqtyq saqtaý úshin arnaı belgiler, dızınfeksııalyq zalalsyzdandyrǵysh quraldar ornatý)jumys isteıdi. Bul rette ata-analar da koronavırýstyq ınfeksııany juqtyrý qaýpin boldyrmaý úshin barlyq qajetti sharalardy qamtamasyz etý qajet. (maskalar, qolǵaptar, qoldy zararsyzdandyrýǵa arnalǵan jeke antıseptık nemese bakterııaǵa qarsy dymqyl súzgishter)