Abaqtynyń ar jaǵynda otyryp, bilim ala almaı, temir torǵa toǵytylǵan jandar QAJ mekemelerinde orta jáne kásiptik bilim alyp, mamandyq ıgerýde, dep habarlaıdy Egemen.kz.
Qyzylorda qalasyndaǵy ZK-169/5 mekemesinde jazasyn ótep júrgen sottalǵandar arasynda 2019-2020 oqý jylynda 26 sottalǵan orta bilim aldy. Onyń ishinde 2 sottalǵan 9 synypty bitirse, 8 sottalǵan 11 synypty támamdady. Al, qalǵan sottalǵandar orta bilimin jalǵastyrady.
Bul azamattarǵa Qyzylorda qalalyq bilim bóliminiń «Jalpy bilim beretin keshki mektep» muǵalimderi bilim berdi. Elimizdegi koronavırýs indetiniń odan ári órship, taralmaýynyń aldyn alý maqsatynda bilim berý oryndary onlaın oqytý júıesine kóshken bolatyn. Sottalǵandarǵa bilim beretin keshki mektep te onlaın júıesine kóship,jazasyn óteýshiler III, IV toqsanda ınternet jelisi qosylǵan arnaıy kabınette onlaın rejıminde bilim aldy.
Mekemeniń ishki kún tártibine sáıkes, kúnine 2 saǵattan mekeme kitaphanasyna baryp, berilgen tapsyrmalardy oryndady. Mekeme ákimshiligi sottalǵandardy oqý-qural jabdyqtarymen tolyqtaı qamtamasyz etti. Qazirgi tańda mekemede 2020-2021 oqý jylyna daıyndyq jumystary júrgizilip jatyr. Sottalǵandar arasynan 10 azamat orta bilim alýǵa ótinish bildirdi. Osy azamattardyń ishinde múlde jazý- syzý bilmeıtin sottalǵandar da kezdesti. Jaqynda mekemege jazasyn óteýge kelgen Nursultan osyndaı jandardyń biri. Ol da orta bilim alýǵa óz ótinishin berdi.Jastyqtyń jalynymen jańylyp, jaza basqan azamat, endi jaza óteýimen birge orta bilim alyp shyǵady. Bul mekemede keshki mekteptiń ashylǵanyna 7 jyl boldy. Osy 7 jyl ishinde 100-den astam sottalǵan orta bilim alǵan. Olar jaza merzimin óteı júrip, odan ári kásiptik maman ıesi bolýyna múmkindigi bar.
2019-2020 oqý jylynda mekemede jazasyn ótep júrgen 62 azamat arnaýly bilimin dáleldeıtin qujat aldy. Onyń ishinde 23 sottalǵan aǵash ustasy, 22 sottalǵan tiginshi, 17 sottalǵan gazelektrdánekerleýshi mamandyǵyn aldy.
Qyzylorda qalasynda M.Yqsanov atyndaǵy «Qyzylorda qurylys jáne bıznes» jáne «Qyzmet kórsetý jáne servıs» kolledjiniń mekemede ashylǵanyna bıyl jetinshi jyl. Jeti jylda ár túrli mamandyq boıynsha 300-den astam sottalǵan dıplom alǵan.
Mamandyqtary boıynsha dıplom alǵan azamattar jaza merzimi aıaqtalǵansha osy mekemede aqyly jumysqa ornalasyp, jalaqy alyp, qylmyspen keltirgen shyǵyndardy óteýge múmkindikteri bar. Bul azamattar jaqsy oqyǵany úshin aı saıyn 32 myń kóleminde shákirtaqy alyp turdy. Sottalǵandardyń jeke isteri boıynsha atqarý paraqtary bolsa, shákirtaqysynan belgilengen soma ustalyp otyrdy. Sottalǵandardyń týystary úshin materıaldyq qoldaý kórsetý úshin, jeke basyna qatysty qajetti zattardy satyp alý úshin shákirtaqysyn paıdalanýǵa múmkindik berildi.
Mekemedegi azamattar arasynda úsh mamandyq( gazelektrdánekerleýshi ,tiginshi, aǵash ustasy) ıesi atanǵan azamattar da bar. Úsh mamandyqtyń ıesi Nurlan qazir mekemeniń óndiristik aımaǵyndaǵy tigin sehynda tiginshi bolyp jumys isteıdi. Bizdi qoǵamnan sottalǵan dep bólmeı, jeke tulǵa retinde qalyptasýymyzǵa jaǵdaı jasap, bilim alýymyzǵa, mamandyq ıesi atanýymyzǵa múmkindik jasap otyrǵan mekeme ákimshiligine Nurlan alǵysyn bildirdi.
Mekemedegi sottalǵandar arasynda kásiptik maman ıesi atanǵysy kelgen 75 azamat 2020-2021 oqý jylyna úsh mamandyq boıynsha (aǵash ustasy, tiginshi, gazelektrdánekerleýshi) ótinish bildirdi.
Jazasyn óteýshiler osynda merzimderi bitkenshe belgili bir mamandyqty ıelenip, mekemeden shyqqanda jańa ómirge qadam basýǵa múmkindik alady.