Shyǵys Qazaqstan oblysyna jumys saparymen kelgen Memlekettik hatshy Qyrymbek Kósherbaev Semeıdegi birqatar mańyzdy nysandy aralady, dep habarlaıdy Egemen.kz
Delegasııa aldymen at basyn "Beıbitshilik" aralyna buryp, Semeı ıadrolyq polıgony qurbandaryn eske aldy. "О́limnen de kúshti" monýmentine gúl shoqtaryn qoıdy. Atap aıta ketý kerek, osydan 29 jyl buryn, 29 tamyzda Semeı ıadrolyq polıgony jabylyp, el bolyp, álem bolyp qýanǵan edik.
– Keńester Odaǵy basshylyǵynyń qarsylyǵyna qaramastan Elbasy Nursultan Ábishuly Nazarbaevtyń patrıottyq, ultjandy sheshimi ajdaha apanynyń jabylýyna yqpal etti, – dedi Qyrymbek Kósherbaev óz sózinde.
Iаdrolyq synaq qurbandaryn bir mınýttyq únsizdikpen eske alǵan delegasııa ókilderi budan keıin jańartylǵan Abaı alańyn, kúrdeli jóndeýden ótken Abaı teatryn kórdi.
Bıyl hakim Abaıdyń 175 jyldyǵyna baılanysty aqyn atymen atalatyn birqatar nysandar jańaryp, jóndeýden ótken. Sonyń ishinde Abaı murajaıy da bar. Mereıtoıǵa oraı murajaıdyń zaldary jóndelip, ǵımarattyń qasbeti men oǵan japsarlas aýmaq jańartylǵan. Aýlasyndaǵy trotýar plıtalary aýystyryldy, abattandyryldy, kógal tóseldi. Osy tusta aýyz toltyryp aıta keterligi - Abaıdyń uldarymen birge turǵan músini ashyldy.
Delegasııa sonymen qatar 203 gektar aýmaqty alyp jatqan Qaraǵaıly shaǵyna aýdanynyń tynys-tirshiligimen tanysty.