О́tken senbide, ıaǵnı 29 tamyzda Altaı aýdany, Zýbovsk kentinde jeti jasar bala joǵalyp ketken. Iz-túzsiz ketken balanyń denesin polısııa qyzmetkerleri bir kúnnen keıin kenttiń mańaıynan taýyp alǵan.
«Bala joǵaldy» degendi estisek, aldymen «pedofıldiń jeteginde ketken joq pa eken?» degen kúdikti oı sanaǵa saq ete qalady. О́ıtkeni pedofılderdiń qandy sheńgeline tap bolǵandardyń az bolmaı turǵany bizdi álgi suraqqa eriksiz jeteleıdi.
Bul joly atalǵan qaıǵyly oqıǵa qalaı boldy eken dep oblystyq Polısııa departamentine habarlasqanbyz.
– Zańnyń «Adam óltirý» baby boıynsha sotqa deıingi tergeý amaldary bastaldy. Tergeý is-sharasy barysynda kúdikti azamat balany óltirgendigin moıyndady. Ol qazir Altaı qalasyndaǵy ýaqytsha ustaý ızolıatoryna qamaldy, – deıdi oblystyq Polısııa departamentiniń bastyǵy Saǵat Mádıev.
Al balanyń naqty qalaı óltirilgenin saraptama nátıjesi kórsetedi. Polısııa departamenti baspasóz qyzmetkerleriniń aıtýynsha, balanyń denesinde pedofıldik qylmys belgileri joq.
29 tamyzda Altaı aýdany,
Zýbovsk aýylynda jeti jasar balanyń joǵalyp ketkeni jóninde polısııa departamentine habar túsken. Balasyna izdeý salǵan ananyń aıtýynsha, uly Edýard ádette aýlada emin-erkin oınap júretin. Bul joly da keshki saǵat tórtterde oınaýǵa shyǵyp, iz-túzsiz joǵalyp ketken. Alǵashynda ózderi izdep, odan nátıje bolmaǵan soń ertesinde quqyq qorǵaý qyzmetkerlerine habarlasqan. Habar túse sala joǵalǵan balany polıseıler men eriktiler, aýyldastary shuǵyl izdeýge shyqqan.
Sary shashty, qońyr kózdi balanyń kıgeni sur jeıde, mingeni sur velosıped edi. Aty-jóni Edýard Jılıev. Eriktiler, polısııanyń jeke quramy tolyq jumyldyrylyp, aýyldy, aýyldyń mańaıyn sharq uryp izdegen.
Izdeý operasııasyn Shyǵys Qazaqstan oblystyq polısııa departamenti basshylyǵy óz baqylaýyna alǵan. Quqyq qorǵaý qyzmetkerleri Edýard Jılıevti tabý úshin barlyq qajetti is-sharany júrgizip baqqan. Tipti jedel-izdestirýge oblystyq Polısııa departamentiniń tájirıbeli mamandary da kirisken. Qylmystyq polısııa qyzmetkerleri men ýchaskelik polısııa ınspektorlary múmkindikterine qaraı Zýbovsk, Snegırev eldi mekenderiniń ár pushpaǵyn súzip shyqqan. Qaraýsyz qalǵan ǵımarattardy, qurylys alańdaryn, saıabaqtar men skverlerdi túgeldeı tintken.
Polısııa qyzmetkerleri surastyra kele, kishkentaı Edýard ózi tanıtyn jigitpen ketkenin anyqtaǵan. Álgi jigit te Zýbovsk kentiniń jergilikti turǵyny eken. Balany burynnan tanıtyn kórinedi.
Ata-anasynyń, aýyldastarynyń bar tilegi – uldarynyń amandyǵy edi. О́kinishke qaraı balanyń denesi Zýbovsk kentiniń mańaıynan tabyldy. Qazirgi tańda qaıǵyly oqıǵanyń mán-jaıy anyqtalýda. Al tártip saqshylary Zýbovsk kentiniń 20 jastaǵy turǵynyn qamaýǵa alǵan.
Mereı QAINARULY
Shyǵys Qazaqstan oblysy