Búgin Bilim jáne ǵylym mınıstrliginiń qoldaýymen Sybaılas jemqorlyqqa qarsy is-qımyl agenttiginiń bastamasymen Bilim kúnine oraı elimizdiń barlyq oqý oryndarynda "Ádildikke úndegen Qoja Ahmet Iаsaýı" taqyrybymen biryńǵaı jalpy respýblıkalyq onlaın "Adaldyq saǵaty" ótti, - dep habarlaıdy Egemen.kz.
Beıne-dáristerde oqýshylar men stýdentter "aqyl kitaby" – "Dıýanı-Hıkmette" jınaqtalǵan adaldyq, ádildik, parasattylyq, qarapaıymdylyq pen meıirimdilik sııaqty adamı qundylyqtarǵa shaqyratyn uly oıshyldyń sózderimen tanysty.
О́z kezeginde Memleket basshysy "Jańa jaǵdaıdaǵy Qazaqstan: is-qımyl kezeńi" atty Qazaqstan halqyna Joldaýynda bizdiń qoǵamda ádildik pen adaldyq sııaqty jańa qaǵıdattar men baǵdarlardy engizý qajettigin atap ótti. Olar básekege qabiletti memleket pen zııatkerlik ulttyń ajyramas bóligi bolyp tabylady.
Eske sala ketsek, Agenttikpen osy atalǵan qundylyqtardy jastar arasynda qalyptastyrý men ilgeriletýge baǵyttalǵan onlaın "Adaldyq saǵaty" aksııalary ótken bolatyn.
Mysaly, mamyr aıynda ótken "Adaldyq saǵatynyń" taqyryby "Adaldyqty mura etken Uly Abaı" bolsa, shildede – "Ál-Farabı jáne qaıyrymdy qoǵam" taqyrybynda ótti.