Shyǵys Qazaqstanda tumaý jáne JRVI maýsymyna oraı 88 359 vaksına satyp alynǵan. Taǵy 160 myń vaksına alý josparlanǵan.
О́tken jyldyń qazanynan beri aımaqta jalpy sany 60 455 adam tumaý jáne JRVI aýrýlaryna shaldyqqan. Negizgi ósim aǵymdaǵy jyldyń qańtar jáne aqpan aılarynda bilindi. Bıyl satyp alynǵan vaksına kólemi ótken jylmen salystyrǵanda eki ese kóp.
Budan bólek oblysta bolýy múmkin koronavırýs indetiniń ekinshi tolqynyna da daıyndyq qarqyndy túrde júrgizilýde. Aýrýhanalarda 7 069 oryn daıyndalyp, 10 sıfrly rentgen apparat, 158 ókpeni jasandy jeldetý apparaty jáne 1066 ottegi konsentratory satyp alynǵan. Álbette, aýyryp em izdegenshe, aýyrmaýdyń jolyn izdeý lázim.
Shyǵys Qazaqstan oblysy