Almatyda Tuńǵysh Prezıdent parkinde ınteraktıvti "sóıleıtin" oryndyq paıda boldy. Bul týraly búgin onlaın brıfıng barysynda Bostandyq aýdany ákiminiń orynbasary Serik Ádilbaev málimdedi, dep habarlaıdy Egemen.kz
Oryndyqtyń ereksheligi, belgili qazaq aqyndarynyń óleńderin oqıdy. Mundaı ınteraktıvti oryndyqtar Bostandyq aýdanyna qarasty birneshe jerde qoıylady.
Bostandyq aýdany ákiminiń orynbasary Serik Ádilbaevtyń aıtýynsha, 2019 jyly "Qatysý bıýdjeti" jobasyna sáıkes Bostandyq aýdanynyń turǵyndary 2 235 mln teńge somasyna 47 usynys engizgen.
Solardyń ishinde quny 963,7 mln teńgege 34 joba daýys berýge joldansa, búginde sonyń aıasynda Tuńǵysh Prezıdent parkinde 1 ınteraktıvti oryndyq qoıyldy. Oǵan qosa, turǵyndardan da ótinish kóp túsip jatyr eken. Bir oryndyq quny 1 mln teńgege jýyqtaıdy.
Serik Ádilbaev: "Odan bólek, Open Almaty portalynda ashyq daýys berý arqyly 3 joba jeńimpaz atandy. Quny 9,5 mln teńge bolatyn Workout aımaq pen balalar alańy qurylysy, Jarokov 284/1 mekenjaıyndaǵy quny 6,6 mln teńge bolatyn balalar oıyn alańy, quny 1,7 mln teńge Togizkumalak Smart nation jobasy. Bostandyq aýdany ákimdiginiń apparaty 2020 jyly osy jobalarǵa 14,3 mln teńge qarastyrdy. Jobalardyń barlyǵy qazir aıaqtalyp qaldy", dedi ol.
Aıta keteıik, oryndyqtyń ishinde aýdıojúıe ornatylady. Oǵan belgili tarıhı tulǵalardyń bıografııasy, ánder men óleńder jazylady. Adam oryndyqqa otyrǵan kezde aýdıo qosylady.