Reseıdiń Kamchatka jaǵajaıynda teńiz janýarlarynyń óli denesi jaǵalaý betterine tolyp qalǵan. Mundaı ekologııalyq apattyń fotosýretteri men vıdeosy áleýmettik jeli qoldanýshylarynyń narazylyǵyn týdyrýda, dep habarlaıdy Egemen.kz
Jaǵalaýda jergilikti turǵyndar túsirgen beınejazbadan ólgen balyq, shaıan, segizaıaq, ıtbalyqtardy kórýge bolady.
Greenpeace Russia-nyń málimetinshe, osy jaıt Kamchatkadaǵy kásibı serfıngshiler jınalatyn týrıstik ortalyq Halaktyrskıı jaǵajaıynda bolǵan. Halaktyrskıı jaǵajaıyndaǵy sýdyń túsi ózgerip, adam densaýlyǵyna qaýip tóndirip jatqanyn aıtady. Sońǵy birneshe aptada sýǵa túsken adamdardyń tamaǵy isip, keıbireýinde ýlaný derekteri keltirilgen.
Sý synamalaryn teksergen mamandar munaı ónimderi tórt eseden, al fenol 2,5 eseden artyq ekenin anyqtady. Biraq lastaný kólemi áli anyqtalǵan joq.