Ekonomıkalyq tergeý departamenti "Búrkit" arnaıy maqsattaǵy jasaǵynyń kómegimen jasyryn jumys istegen kazınony anyqtady, dep habarlaıdy Egemen.kz.
Kazıno "Bomond" kafesiniń VIP zalynda ornalasqan. QR Qarjy mınıstrliginiń Qarjy monıtorıngi komıteti baspasóz qyzmetiniń málimetine súıensek, kazıno qyzmetin uıymdastyrýshylar karantındik shekteý rejımin buzyp, zańsyz oıyn bıznesin jasyryn júzege asyryp kelgen.
"Tekserý kezinde arnaıy kenep, oıyn kartalary, "Tehas Holdem" poker oıynyna arnalǵan chıpter, chıpterge arnalǵan stendter tabylyp, tárkilendi. Oıyn fıshkalary jasyryn kazıno uıymdastyrýshylaryna tıesili "Kaspıı Gold" kartalaryna aqsha aýdarý arqyly satyp alynǵan. Atalǵan fakti boıynsha QR QK-niń 307-baby, 1-bólimi negizinde sotqa deıingi tergeý amaldary júrgizilýde", dep habarlady komıtettiń baspasóz qyzmeti.