«Ulttyq kınony qoldaý memlekettik ortalyǵynyń» ekinshi pıtchınginde avtorlyq jáne arthaýs fılmderi sanatynda «Merada» kompanııasynyń «Aýyl» tolyqmetrli kórkem fılminiń jobasy jeńiske jetti.
Fılmniń rejısseri Serik Aprymovtyń aıtýynsha, «Aýyl» – ómirlik qundylyqtar týraly oı salatyn tereń fılm. Fılm jelisi boıynsha Aıdos esimdi jas rejısser Balqash kólindegi balyqshylardyń ómiri jaıly fılm túsirýge tapsyrma alady. Biraq joldan adasyp ketip, eski aýylǵa tap bolady. Syrtynan momaqan kórinetin kishkentaı aýyl ómiriniń óz zańy, shıeleniske toly qyzý tirligi bar bolyp shyǵady. «Kartınanyń basty ıdeıasy – bizdiń búkil ómirimizge jol silteıdi. Bul jol – ózińdi izdeý, ómirińniń maǵynasyn izdeýden turady. «Aýyl» – avtorlyq kıno jáne osy turǵydan qaraýǵa daıyn kórermenderge arnalǵan», deıdi kınotýyndy rejısseri.
Qazirgi tańda fılm, Kıno ortalyǵynyń basqa da koronavırýstyq pandemııa aıasynda qoıylǵan shekteýlerge baılanysty keıinge qaldyrylǵan kóptegen joba sııaqty daıyndyq kezeńinde.