Onlaın kınoteatr keleshegi

Jýyrda Almaty Film Days sheń­berinde «Strımıng plat­formalaryndaǵy qazaqstan­dyq kontent: múmkindikteri men keleshegi» atty dóńgelek ús­tel ótti. Ulttyq kınony qol­daý memlekettik ortalyǵy men TMD-daǵy eń iri IVI onlaın kınoteatrymen birlesip uıym­dastyrǵan jıynda strımıng plat­formalaryndaǵy qazaqstandyq fılmderge suranystyń artýy máselesi jan-jaqty talqylandy. Otandyq kórermender sheteldik kınony aqyly platformalarda kórýge daǵdylanǵan bolsa, al jergilikti kıno ónimderdi kórý úshin kınoteatrlyq prokat, YouTube nemese pırattyq platformalar sekildi ashyq alańdarǵa júginip jatady.

Dóńgelek ústeldiń basty spı­kerleri retinde «UKQMO» KeAQ basqarma tóraǵasynyń óndiris boıynsha orynbasary Aıdar Batalov, IVI komanııasynyń kontent boıynsha dırektory Marııa Grechıshnıkova, Terraline kompanııasynyń bas dırektory Álibek Sársembaev jáne «100% Qazaqsha» kompanııasynyń dırektory Álııa Muqasheva sóz sóıledi.

Aıdar Batalov búgingi kúni kıno kórermenderiniń ádetteri aıtarlyqtaı ózgergenin jáne kınoteatrlyq prokattyń kele­shegi kúmándi ekenin eskere oty­ryp, strımıng platforma­larymen dıalog ornatýdyń ma­ńyz­dylyǵyn atap ótti. Sondaı-aq Kıno ortalyǵynyń 50-den astam jobamen jumys istep jatqanyn, onyń ishinde tek Qazaqstannyń ǵana emes, ózge de elderdiń qyzyǵýshylyǵyn tý­ǵyzǵan Qanaǵat Mustafınniń «Qajymuqan», Aqan Sataevtyń «Bokser» fılmderi bar ekendigin atap ótti.

Al Marııa Grechıshnıkovanyń aıtýynsha, IVI platformasynda ótken birqatar qazaqstandyq kartınalar reseılik naryqta óz kórermenderin taýyp úlger­gen. Ol TMD-daǵy eń iri on­laın kınoteatr sanalatyn IVI platformasynyń táýelsiz kıno kompanııalar men eldiń iri tele­arnalaryn qosa alǵanda, otyz­dan astam qazaqstandyq óndi­rýshilermen áriptestik qa­rym-qatynasta ekenin jáne qazaq­standyq fılmder men serıal­dardyń usynysyn únemi arttyryp otyratynyn aıtty.

Álemdik strımıng platformalary ózderiniń biregeı kontentin óndirý esebinen jazylýshylardyń sanyn arttyrýǵa baǵyt alǵanyn eskere otyryp, onlaın alańda relız jasaýǵa baǵyttalǵan fılmder men serıaldardy birlesip shyǵarý boıynsha qazaqstandyq kıno óndirýshilerdiń IVI-men yntymaqtastyq ornatý múm­kin­dikteri de kóterildi. Bul rette Aıdar Batalov pen Marııa Gre­chısh­nıkova IVI óndiris bólimi qazaqstandyq jáne reseılik kó­rermenderge birdeı qyzyqty bo­latyn jobalarǵa ótinimderdi qa­raýǵa daıyn ekendigin málimdedi.

Reseılik strımıng platformalarymen yntymaqtastyq ornatý máselesinen basqa, dóńgelek ústel barysynda túrli onlaın-platformalar arqyly kınokontent­ti zańdy túrde satýdyń ishki na­­ry­ǵy talqylandy. Sondaı-aq Kıno ortalyǵynyń aldaǵy jos­paryn­da úshinshi pıtchıng ótkizý turǵandyǵy, ondaǵy maqsat úlken kommersııalyq áleýeti bar jobalardy irikteý ekendigi de qaperge alyndy. Bul óz kezeginde tek kınoteatrlar úshin ǵana emes, strımıng-platformalar úshin de jańa múmkindikter beredi.