Veterınarııalyq jáne fıtosanıtarııalyq qaýipsizdikti Aýyl sharýashylyǵy mınıstrliginiń quramyna kiretin eki komıtet qamtamasyz etedi, dep habarlaıdy Egemen.kz
Veterınarııa qyzmetiniń aldyna qoıylǵan negizgi mindetter veterınarııalyq-sanıtarııalyq salamattylyqty qamtamasyz etý, halyqtyń densaýlyǵyn adam men janýarlardyń jalpy aýrýlarynan qorǵaý, aýmaqty juqpaly jáne ekzotıkalyq aýrýlardyń taralýynan qorǵaý, janýarlardan alynatyn ónim men shıkizattyń qaýipsizdigin qamtamasyz etý bolyp tabylady.
Osyǵan baılanysty aǵymdaǵy jyldyń basynan beri zańnamalyq deńgeıde qabyldanǵan normalar iske asyrylyp jatyr. Atap aıtqanda, "ortalyq-aýdan-aýyl" qaǵıdaty boıynsha joǵarydan tómen qaraı veterınarııalyq baqylaý, "oblys-aýdan-aýyl" qaǵıdaty boıynsha joǵarydan tómen qaraı veterınarııalyq qyzmet quryldy. О́ńirlendirýge, aımaqtandyrýǵa jáne kompartmentteýge qoıylatyn biryńǵaı talaptar belgilendi, memlekettik shekaranyń búkil perımetri boıynsha turaqty veterınarııalyq baqylaý, kásiporyndardyń ınspeksııalarynyń bıýdjet esebinen qarjylandyrylýy júrgizilýde, bul qazaqstandyq ónimdi eksporttaýǵa qol jetkizýge múmkindik beredi.
Veterınarııalyq qaýipsizdikti qamtamasyz etý maqsatynda josparly profılaktıkalyq is-sharalardan turatyn veterınarııalyq is-sharalar júrgizilýde. Aǵymdaǵy jylǵy 9 aıda ǵana janýarlar men qustardyń asa qaýipti aýrýlaryna qarsy 122,2 mln manıpýlıasııa júrgizildi, bul 9 aıdaǵy jospardyń 100,9%-yn quraıdy. Vaksınalaý júrgizý úshin 7,1 mlrd teńge somasyna 148,2 mln doza vaksına satyp alyndy. Bul rette, veterınarııalyq preparattyń shamamen 60%-y - otandyq óndiristiki.
Respýblıkamyzdyń aýmaǵyna taralýy úlken qaýip tóndirip turǵan asa qaýipti aýrýlar tizbesine 68 aýrý túri engizildi, olardyń 45 túri boıynsha Qazaqstanda epızootııalyq ahýal salamatty, 23 túri boıynsha dıagnostıkalaý jáne vaksınalaý boıynsha arnaıy veterınarııalyq-profılaktıkalyq is-sharalar júrgizilip jatyr.