"Kelun-Kazpharm" farmasevtıkalyq zaýyty 2014 jyldyń shilde aıynda paıdalanýǵa berildi jáne qazirgi ýaqytta elimizdegi farmasevtıkalyq ónimderdiń iri óndirýshisi, dep habarlaıdy Egemen.kz
Zaýyttyń qýaty ishki naryqty tolyq kólemde dárilik ónimmen qamtamasyz etý úshin jetkilikti kólemde ıneksııalyq eritindiler óndirýge múmkindik beredi. О́nim óndirýdiń jyldyq kólemine júz elýden astam ataý engizilgen. Kásiporynnyń óndiristik qýaty jylyna 90 mln. quty ıneksııalyq eritindini quraıdy. Polıpropılen bótelkelerinde jasalǵan ónimder tasymaldaý men paıdalanýda óte yńǵaıly.
Kompanııa óz qyzmetinde ımportty almastyrý saıasatyn basshylyqqa alatynyn atap ótý qajet. Bul rette halyqaralyq talaptarǵa saı jáne quny boıynsha qoljetimdi dárilik zattar shyǵarylady. Sonymen qatar kompanııa Tájikstan, Qyrǵyzstan, О́zbekstan jáne Reseı sııaqty elderge ónim eksporttaıdy.
Qazirgi ýaqytta barsha álemdi jaılaǵan dert jeke qorǵaný quraldarymen jáne barlyq qajetti dári-dármektermen jetkilikti qamtamasyz etý úshin jeke resýrstardyń bolýy qanshalyqty mańyzdy ekendigin kórsetti. Otandyq farmasevtıkalyq óndiristi damytýda memlekettiń qoldaýy jáne qazaqstandyq dárilik zattardy óndirýshilermen uzaq merzimdi sharttar jasasý jónindegi "SQ-Farmasııa" JShS jobasyn iske asyrý sheshýshi ról atqardy. Yntymaqtastyqtyń mundaı túri otandyq óndirýshiler óndiretin dárilik zattar nomenklatýrasynyń tizimin keńeıtýge múmkindik beredi. Osyndaı kompanııalardyń biri Biryńǵaı dıstrıbıýtormen uzaq merzimdi shart jasasqan "Kelun-Kazpharm" bolyp tabylady.
"Búginde "Kelun" korporasııasy ınternasıonaldandyrý strategııasyn belsendi túrde ilgeriletýde jáne 20-dan astam elde tanymaldylyqqa ıe bolǵan ónimniń jappaı eksportyn júzege asyrýda. Bul jumysty biz sondaı-aq SK-Farmasııanyń biryńǵaı dıstrıbıýtorynyń qoldaýymen, farmasevtıka salasyn damytý jáne jergilikti naryqta dárilik zattardyń qunyn aıtarlyqtaı tómendetý bóliginde júzege asyrdyq. Bizdiń birlesken jumysymyzdyń arqasynda otandyq farmónimniń úlesi eksporttyń 80%-yn qamtamasyz etedi, naryqtaǵy óndiristiń ózi jalpy kólemniń 20%-yn quraıdy", deıdi "Kelun-Kazpharm" JShS kommersııalyq dırektory Ermek Moldaqapasov.
Sondaı-aq kompanııa basshysynyń aıtýynsha, otandyq farmasevtıkalyq zattar óndirisi úlesiniń ósýi jańa óndiristerdi iske qosýmen jáne qolda bar qýattardy jańǵyrtýmen, sondaı-aq sheteldik áriptesterdi tartýmen baılanysty.
Joǵary sapany qamtamasyz etý úshin barlyq shyǵarylatyn ónim Japonııa men Taıvan óndirisiniń zamanaýı jabdyqtarynda testileýden ótedi, sondaı-aq Sıngapýrdan ımporttalatyn shıkizat paıdalanylady. Kompanııa alǵashqylardyń biri bolyp QR-kod arqyly ónimdi tańbalaý júıesin engizdi, ol ónimniń qozǵalysyn qadaǵalaýǵa jáne ashyqtyqty qamtamasyz etýge múmkindik beredi.
Búginde kásiporynda 420 adam eńbek etedi. Zaýyt qyzmetkerleri jumysqa qabyldanatyn árbir maman úshin farmasevtıkalyq ónerkásip, ǵylymı zertteýler men ázirlemeler salasynda oqytý júrgizedi. Sonymen qatar, óndiris oshaǵy S.D. Asfendııarov atyndaǵy medısına ýnıversıtetimen shart jasasty. Osylaısha oqý ornynyń túlekteri Qytaıda biliktiligin arttyrý boıynsha taǵylymdamadan ótip, bilimderin shyńdaıdy.