Burynǵy áıelin kólik kapotyna mingestirip "serýendegen" elorda turǵynynyń áreketi el nazaryn ózine aýdardy, dep habarlaıdy Egemen.kz
"Otbasylyq drama tún ortasynda Gete kóshesiniń boıyndaǵy vokzal alańynda órbidi. Avtokólikte bolǵan áńgime kezinde erli-zaıyptylar arasynda janjal paıda bolǵan. Áıeldiń sózine qaraǵanda ol kólikten shyqqan, biraq mashınadaǵy qujattardy umytyp ketken. Ony sezgen kúıeýi kóliktiń esigin ashpaı qoıady. Bul kezde áıel avtoóliktiń kapotyna sekiredi.Oǵan qaramastan júrgizýshi jyldamdyqty kóterip, qozǵalysyn jalǵastyra bergen.
О́tip bara jatqan júrgizýshiler kóliktiń kapotynda turǵan áıeldi kórip, quqyq buzýshyny toqtatpaq bolǵan, biraq ol jyldamdyǵyn tómendetpeı, ótip bara jatqan kólikterdi basyp ozypty. Nátıjesinde kýágerler kóliktiń jolyn bógep tastaǵan", dep habarlady polısııa qyzmetkerleri.
"Oqıǵa ornyna kelgen polısııa qyzmetkerleri júrgizýshini jáne áıeldi polısııa bólimine alyp bardy. Burynǵy erli-zaıyptylar prosessten keıin bir-birine eshqandaı talaptary bolǵan joq. Áıel zardap shekpegen. Atalǵan fakt boıynsha KIA Cerato júrgizýshisine qatysty ÁQBtK-niń 1-bólimi 593-baby boıynsha ákimshilik is qozǵaldy. Nur-Sultan polısııa bóliminiń basshylyǵy óz is-áreketterimen joldaǵy qaıǵyly jaǵdaıdyń aldyn alýǵa kómektesken qamqor júrgizýshilerge alǵys bildiredi", delingen habarlamada.