Memleket basshysynyń bıylǵy Joldaýynda basym baǵyttardyń biri retinde – áleýmettik mańyzy bar azyq-túlik taýarlarymen ózimizdi tolyq qamtamasyz etý kerektigi aıtyldy. Shymkentte osy baǵytta 2 birdeı agro-ındýstrıaldy aı̆maǵyn iske qosý josparlanyp otyr, dep habarlaıdy Egemen.kz qala ákimdiginiń baspasóz qyzmetine silteme jasap.
Bul týraly Shymkent qalasynyń ákimi Murat Áıtenov Prezıdent janyndaǵy OKQ alańynda ótken baspasóz brıfıngte málimdedi.
– Birinshisi – aýmaǵy 136 gektar jerge zamanaýı ónerkásiptik jylyjaı̆ keshenin salý boıynsha 28 jobany iske asady. Ekinshisi – "Bozaryq" tamaq ónerkásibi ındýstrıaldy aımaǵyn qurý josparlanýda. Munda bıologııalyq qospalary bar qunarly qurama jem óndirisi jáne sút óndirý zaýyty boı kóteredi, – dedi Murat Dúısenbekuly.
Spıkerdiń aıtýynsha, "Bozaryq" tamaq ónerkásibi ındýstrıaldy aımaǵynda shetel ınvestorlarymen birlese sút, et, jemis pen kókónisti qaıta óńdeıtin, konservileıtin jobalar júzege asady dep josparlanǵan.