Elordada «Nur-Sultan qalasynyń qoǵamdyq keńesi: azamattyq qoǵammen baılanys quraldaryn óristetý» taqyrybynda dóńgelek ústel ótti.
Qoǵamdyq keńes músheleri, máslıhat depýtattary jáne qalalyq ákimdik ókilderi qatysqan sharada 2019 jyldyń naýryzynan 2020 jyldyń qyrkúıegine deıingi qoǵamdyq keńes qyzmetiniń taldamasy usynyldy.
Qoǵamdyq keńes múshesi Altynaı Nurkeevanyń aıtýynsha, zertteý kezinde keńestiń resmı resýrstaryndaǵy kontent-taldamasy, otyrystardyń hattamalary, usynystary, sarapshylar saýalnamasy paıdalanylǵan.
«Biz qyzmettiń áserliliginiń baǵasyn tekserdik. Ol tek qoǵamdyq keńes músheleri úshin ǵana emes, bizdiń qaıda baǵyt alǵanymyzdy kórý úshin, olqylyqtardyń ornyn toltyrý úshin aldymen qoǵamǵa qoǵamǵa qajet. Aqparatty jınaý jumysy júrgizildi. Onda materıaldar, qujattar, otyrystardaǵy hattamalar, usynystar qoldanyldy. Osynyń arqasynda bizge jumysty júıelendirýge, hattamalar muraǵatyn jasaýǵa, olardy sıfrlandyrýǵa múmkindik týdy. Búginde sonyń bárin kópshilikke qoljetimdi etýdi josparap otyrmyz», – dedi Altynaı Nurkeeva.
Nur-Sultan qalasynyń qoǵamdyq keńesi 2016 jyldan beri jumys istep keledi. Búginde keńes quramynda 21 adam bar. Sonymen qatar zertteý kezinde keńestiń demografııalyq-genderlik quramy máselesine de taldama jasalǵan.
«О́kinishke qaraı qoǵamdyq keńeste 20-dan 30-ǵa deıingi jastar joq degen shynaıy syn aıtylady. Bizdiń qatarymyzdyń kóbi – elý jastan asqandar. Negizgi sanat – 36-40 jas. Eger genderlik máseleni aıtar bolsaq, qoǵamdyq keies músheleriniń 19 paıyzyn áıelder quraıdy», – dedi Altynaı Nurkeeva.
Aıta kesek, 2019 jyldyń naýryz aıynan bastap 2020 jyldyń qyrkúıegine deıin 25 otyrys ótkizilip, onda 102 másele qarastyrylǵan.
Sondaı-aq shara barysynda qoǵamdyq keńes qyzmetiniń baǵasy qaralyp, keńes jumysynyń aldaǵy damýy jaıly usynystar aıtyldy.