Syr elinde múmkindigi shekteýli jandar budan bylaı ońaltý qurylǵylaryn portal arqyly onlaın ala alady. Iаǵnı burynǵydaı áleýmettik ortalyqtarǵa baryp, ótinish qaldyryp, ýaqyt shyǵyndap, júıke juqartpaıdy. Bul úshin áleýmettik qyzmetter portaly iske qosylǵan, dep habarlaıdy Egemen.kz.
Osy jyldyń qańtar aıynan bastap múgedekter úshin ońaltý quraldarynyń 55 tehnıkalyq túri men qyzmetteri qoljetimdi. Atap aıtqanda, sanatorıı-kýrorttyq emdeý, protez-ortopedııalyq kómek, jeke kómekshiniń jáne ymdaý tili mamanynyń áleýmettik qyzmetteri osy portal arqyly iske asady.
О́ńirde múmkindigi shekteýli jandarǵa qajetti ońaltý qurylǵylaryn alýǵa bólingen qarjy da kóbeıgen. Iаǵnı ońaltýdyń tehnıkalyq quraldary men qyzmetterdi qamtamasyz etýge respýblıkalyq jáne oblystyq bıýdjetten 1,4 mlrd teńge bólingen. Bul ótken jylmen salystyrǵanda 1,5 esege kóp.
Máselen, pılottyq negizde áleýmettik qyzmetter portaly arqyly 11 múgedek ymdaý tili qyzmetin, 10 adam jeke kómekshiniń áleýmettik qyzmetin, 11 adam sanatorly-kýrorttyq emdeý qyzmetin alǵan.
Aıta ketý kerek, oblysta 30 myńnan astam múmkindigi shekteýli jan turady, onyń 5 myńy balalar.