Slovakııada turǵyndarǵa koronavırýs anyqtamasynyń teris nátıjesi bolmasa, jumysqa barýǵa nemese saıabaqta serýendeýge tyıym salyndy, dep habarlaıdy Egemen.kz
Bul týraly Slovakııa premer-mınıstri Igor Matovıch Úkimettiń kezekten tys otyrysynan keıingi baspasóz konferensııasynda habarlady.
Onyń aıtýynsha, epıdemııaǵa qarsy sharalardyń kúsheıtilýi COVID-19 óliminiń sanymen jáne aýrýhanalarda naýqastardy azaıtýmen tikeleı baılanysty bolyp otyr. Qatań sharalar balalardyń mektepke oralýyn tezdetýge kómektesedi.
Elde 7 aqpanǵa deıin úıden shyǵýǵa tyıym salynady. Tek serýendeýge ǵana emes, sonymen qatar jumysqa barýǵa da shekteý qoıyldy. Shekteýler 15 jastan 65 jasqa deıingi barlyq turǵyndarǵa qatysty. Sondyqtan turǵyndarǵa qoǵamdyq oryndarda emin-erkin júrip-turý úshin PTR anyqtamasynyń teris nátıjesi kerek bolady.
Aıta keteıik, 18 qańtardaǵy jaǵdaı boıynsha Slovakııada koronavırýstyń 223 325 jaǵdaıy tirkeldi. Al ólim sany 3 474-ke jetip, 168 915 naýqas dertten aıyqqan.
Aıtolqyn MYRZAKERIM